MAZMUR 72:19 - Allah Wene Fano Wene Hupla Inane

¹⁹ At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 72:19 ပူးပေါင်းရင်းမြစ်များ

1RAJA-RAJA 1:36

A'nogo yagaisasikhemo, at Yoyada amlogo Benaya nen he, mel isikhe, ”Noe. Wene andi eberogoat hilinglasuak! Wene haren egen andi heisena Tuhan Allah anggikhebaat egen o.

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 89:52

Tuhan neisena. Haselei mene nen ap raja Haren wenaten mene a'nogo inane asegen wokhili'lagwi o. Nen, at ebe yikwe tikwe lagunem he iren li'noratu mondok werego,” iluk Allah ayonggo fesikhe.

YESAYA 11:9

Allah andom Sion fano Horek meneba andoma re inaninirogo hilingitarek mene inom, weak hilingitarek mene inom, logogin lek. O kweang andiba mondogat he, i nen laut agum hopot fikherek andi hak, Allah inelu agaikharek mene andi nen hoporek logogin.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

YEREMIA 28:6

”Fano egen o! Haren yi'nogo ti'nogo asigin iluk egen mene andi ebe eberogo tiphogo nek asigin logouwak, nen Tuhan nen eberogo yi mene ti mene o Tuhan aiba a'nogo mene inom, nen afuni inebe inom seberogo huginabi lagaukwa mene omanogo inom, nekhengge woginarek fisa wesigin logouwak.

HABAKUK 2:14

Andi re, i laut hokho mene yenggelek agum puaksek welagarek andi hak, o kweangma mondogat he Allah omame werek mene inom At elu mondok welagarek mene inom mondogat saga igin o.

ZAKHARIA 14:9

Andiba re, Tuhan ebe yi afuni ti afuni o kweangma welagaikharek mene inebe mondok faget inoe raja logolik melalinafi logogin. Nen, afuni inebe lombogen At Allah amu oba inendawinggen himbirek fuluk logogun, nen, we At amu Enu nek inelu logogun.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

BILANGAN 14:21

A'nogo meneat he, An netok mondok logolik, afuni kweangma yoma welagaikharek mene eise welagirek mene a'nogo Nonggwarek nenu hombuk palogo wene yi wathisak.

BILANGAN 5:22

I homan ugu ari halabutmo kwikhi logolik, halabut puak igik, houwak ilugun kelok igik, igin.” iluk yagati logogin. A'nogo yagatunem, at he a'nogo nen onggo ikhi logolik he, ”An nen ogo Tuhan nen hilingnabuak anggikhi lagi,” iluk igin.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.