MAZMUR 72:18 - Allah Wene Fano Wene Hupla Inane

¹⁸ Tuhan it afuni Israel mene ineisena Allah andi nek fogeratu mondok logouwok. We At ami amu nenat yi wene ti wene elalin mene nek hilingiterek.

MAZMUR 72:18 ပူးပေါင်းရင်းမြစ်များ

1 TAWARIKH 29:10

It afuni hokhorogo ineilhanem a'nogo re at raja Daud en Tuhan fogerati logolik he, yi'nogo isikhe, ”Tuhan Allah ninomba Yakub en fogethafi laga mene, neisena. Hat he hundik-handik fogethafu mondok logogun!

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

AYUB 9:10

Aren mondogat walhasikhe mene andoma re, mondok hokho-pokhorogo hilingi'mo re, wenasu re mondok elo'lek, Aren elalin mene mondok alonghogo hilingitikhe mene andoma niren mondok higithogo wenasu re elo'lek.

MAZMUR 106:48

Yogondak huli nen hobuk mondok-mondok andoma huli re it afuni Israel mene ineisena Allah andi nek fogerati logouwak, nen it afuni mondogaren he, ”Amin!” ikhi logouwak.

MAZMUR 136:4

We Arenat hilingisu elo'lek mene mondok hokho mene hilingiterek, Endawi hundik hilingninaferek mene andi re mondok-mondok logogin mene.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 68:35

At Allah omame logolik it afuni Israel mene inobaget along werek mene andi oba futfeni! At omame re o pogot huli andomaba werek.

MAZMUR 77:14

Neisena Allah, Haren hilingiti lagen mene andoma re mondok fano horek mene nek hilingiti lagen, nit nineisena Allah hokho hagun andi hak he ap sa hak ekhe werek nogo?

MAZMUR 77:15

Hat Allah re mondok elalinhogo hilingiti lagen hagun welagen, Hat homame re yi afuni ti afuni inunggulenu lombok werekwe andoma weinamet fikhi lagen.

MAZMUR 86:10

We Hat hamu nek Allah welagen, nen Hat he Allah hebe Lego mene logolik he, Haren hilingisu elo'lek mene omanogo nek hilingiti lagen.

MAZMUR 98:1

Wuni. At Tuhan nen elalin hilingisu elo'lek mene hilingiterek andi nen he At obaget wuni ket mene wulagaisogo wati logoni! At onggwarek esin logolik omame werek andiba re, telinaferek mene a'nogo At ebikhit hilinglagama werek.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?