MAZMUR 72:17 - Allah Wene Fano Wene Hupla Inane

¹⁷ At raja enu andi re afuni nen he hundik-handik andoma ebethugu mondok logouwak, nen mo yatu werek kwelek andem he at enu re ekhe inom legeisogo fikhi logouwak, nen it afuni inunggulenu lombok omanogo nen ogore, at hakhogo fanot fisikhi logouwageluk kinoti logogun, it afuni mondogaren at faget he agaiyek hikhi logouwak, ikhi logogun.

MAZMUR 72:17 ပူးပေါင်းရင်းမြစ်များ

KEJADIAN 12:3

Afuni ekhe nen nauk inoba louget fagarek hak hat fanot hafa halok, An nen it andi fanorinafik, it ekhe nen homan hobagagun halok, An nen homan fisigik, ikhi logogin o. Nen, hat hoba halisikhogo afuni kweangma mene inunggulenu lombok, An nen fanorinabigin o,” iluk yagatikhe.

KEJADIAN 22:18

An nen, yi'nogo hilingi'no, iluk yagaheti mene nane hologoat hilingiten andi nen he, afuni kweangma mene inunggulenu lombok mondogat, An nen haren tagongge mene fanorinafi logogin andi hak, iren ogo An nen fanorinabuageluk, kino yaganesugun, iluk ikhe o,” iluk malaikat a'nogo nen yagatikhe.

2 SAMUEL 7:16

Haren hagainafuri hokhorogo taginafi logoinogoluk hilinghafik, afuni Israel mene ferinarek mondok-mondok logoinogoluk homametfigik, ikhi logogin o, iluk igi mene andi, Daud yagasi lano o,” iluk yagatikhe.

MAZMUR 21:7

Haren ap andi ebe mondok-mondok faget fanot fegen, Hat hebe elokhoma welagen andiba at agaiyegap kwelafi lagen.

MAZMUR 45:17

Hat he, an noe raja welagen, it hambu hombalak kain mendek logolik hurek welagaukwa mene takhta a'nogoba hurek logouwageluk haren hamlogomi ap hokhorogo taginabigin, it inebe re afuni o kweangma yoma mondogat faget inenu werek mene logouwageluk haren menfisagain o.

MAZMUR 89:36

Mondok-mondok logogin mene faget nane misigam igi yi re, neranen wene Daud yagasigin lek iluk, nonggwarek nenu horek mene a'nogo hombuk palogo igi o.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

LUKAS 1:48

An at amingmingengge mene yi, inawe a'ma hak were'ma eilenggen niikhe. Huli yogondagen afuni mondogaren he, Allah nen fano mene wogetemo, iluk ikhi logogun o.

KISAH PARA RASUL 3:16

Ap eisok wut warek welaga mene yi nen he, Yesus andi eberogoat, iluk enu hombuk palogo, endawinggen at oba himbiret fikhe andiba, ap yi hineilenggen hikhi lagepma re, ebe hinelu mene a'nogoat omame aga yi. Endawinggen a'nogo Yesus oba himbiret fikhe andiba, hit hineilhanemat mondok fanot fikhemo yi.

GALATIA 3:14

At Allah nen he, Abraham fanot fesikhe hak, yi afuni ti afuni mondogat Kristus Yesus inom hunetunem fanorinabuageluk, Yesus wa'lagaikhe andi. At a'nogo wa'lagaikhesik oba nen, Allah Areagun wokhisagain iluk abok tak yaganisasikhe a'nogo, ninendawinggen At oba himbiret fugunem wo'nisikherek andi.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

EFESUS 3:14

Andi nenat, an neisena Allah eilhanem neindep awi yagaisogo ayonggo fikhi lagi.

FILIPI 2:10

It pogoroba mene inom, kweangma mene inom, kweang a'ma mene inom, mondogat Yesus fogerati logolik, ineindep awi yagaisogo inebe lombok, at awe a'ma kugun andi.

KOLOSE 1:3

It ekhe nen hit yagaisikhi logolik he: ”Hit hinobagaget fano mene Allah nen wokhisagain mene pogoroba hinobagaikhemo werego,” iluk yagahisasukwama, hinendawinggen Kristus Yesus oba himbiret fuluk, hilingitunem, it ekhe nen he: ”It inendawinggen Kristus oba himbiret fuluk Allah againafuri ekhe mondogat inendawirogo hilingiri'lagwi,” iluk, hinabok ugunem ninesanggo holhosik he, hundik-handigat samban hit faget ikhi logolik, ninoe Enupogot Yesus Kristus eisena Allah at hai wati lago o. Hit wene fano wene, Allah obabut fano nen hilinginaferek wene a'nogo omanggum yagahisa wagaukwama, hinesanggo holhigipsik he, eberogoat iluk futfesigip andi huli, Allah nen fanothinabi'logo hak, fano wene andi o yi awi ti awi wialarik laga logolik, Allah nen afuni a'nogo fano hilinginabi'logoaro.

1 PETRUS 1:3

Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.

WAHYU 15:4

Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.