MAZMUR 71:9 - Allah Wene Fano Wene Hupla Inane

^9-10 It naselei mene nen nabok palhu welagik, nen an nebe noasuogeluk inane seberogo mati logolik werek enggere, An nebe yaman agi halok he, neisena Haren hu'nea fugo, nen nomame mondogat legagi halok he an nebe oboget nea fugaro.

MAZMUR 71:9 ပူးပေါင်းရင်းမြစ်များ

2 SAMUEL 19:35

An nebe umur 80 tahun arat agari'mo re, yi fano mene, yi weak mene, iluk penesu mondok elo'lego. Nen, sumburu inom, i inom, nunggunem enduk nambema mondok legat agik, afuni wuni watunem inane nesanggo holu elo'legat agik ikheo, noe. Andi nen he, noe hoba engginet fagain andi elo'lego.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

MAZMUR 90:10

Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

YESAYA 46:4

An he hit hinebe yaman asugun huli andoma re, hit hineisena Allah at logogin. A'nogo logolik halhinafu werek kwelek enek he hinesi helel wulibigin. An nenat elalogo hinobagasigimo re halhinafu mondok logogin, An nenat lebethisigik hinagap telhik hilingiti logogin.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.