MAZMUR 71:3 - Allah Wene Fano Wene Hupla Inane

³ Nen an nebe werek oba re, Hat hebe tom eil silipnorek mene hak hilingik welagen o, an nebe telnabigiluk kagalnarek welagen menere Hat hebeat welagen o. Hat hebe andi re, tom helep mene andi higit ha'ma sebelogo fetnarek logolik kagalnarek welagen mene o.

MAZMUR 71:3 ပူးပေါင်းရင်းမြစ်များ

MAZMUR 144:2

At andi re an lebetniigik, nebikhit agik ikherek mene, an nagap telogore At awe a'ma kuluk welagirek, At andi re an nebe telnabuageluk he an nen At were'ma laluk welagirek. Aren he afuni inunggulenu ekhe mene-ekhe mene omanogo an na'ma sebelogo fisikherek.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 44:4

It hagainafuri o Haren wogisasigin oba andi sebeli kuageluk he it inonggwarek inomameba sebeli kwisukwa lek, posie karok ambisangma legat, oba nen he, Hat homame hokho welagen a'nogoba inom, Hat hebe haselek oba waga lagen a'nogoba inom, it Hat hagainafuri faget hendawirinapluk leberisikhi lagagin.

MAZMUR 68:28

It inunggulenu Benyamin mene andi re inebe we endebengge hilingi'mo re, itak elokhoma laga-lagaukwa, andi nen it Yehuda mene inogogwi omanogo maming-maming lagunem he, it inombo'ne re, Sebulon mene inom Naftali mene inom inogogwi kaindek omanogo laga lagaukwa.

MAZMUR 89:27

A'nogo hilingisogo foumo aren he mel yaganesigin, ”An neisena re Allah Harat logogin o. Hawe a'ma fetnarek mondok logolik, telnafi logogin mene o,” iluk yaganeti logogin.

MAZMUR 90:1

At Allah amingmingengge Musa a'nogo nen samban isikhe mene. ”Allah neisena, Nit afuni endamaren ta'larik waga logolik, hobuk ta'lasugun huli andoma faget nit ninebe hawea'ma kuluk werek oba re Hat hebeat welagen o.

MAZMUR 91:9

Nen haren he neisena Tuhan nen nebikhit aga logouwageluk oba tibet fuluk welagik, nen At Lego Mondok welagarek mene a'nogo nen awe a'ma fetnarek logogin iluk welagik, ikhi logogin andi nen he,

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 33:16

A'nogo hilingisugun lek halok he hit hinebe hinalong palogo welagik, hinailo legengge welagik, hilingik logolik hit hinebere o leget pak omamerogo waganek mene hak hilingik logogun. Hinamburu inom hinagai inom foukhogo were'ma nek logogun.

YEHEZKIEL 9:6

Hiren he, ap inom, hemi inom, inaluendek inom, yenggerugwi inom, souge mene inom, yaman mene inom mondogat inoa'no. Oba nen he, it afuni inelhaba enek engge hilingik mene andoma misik iluk ogo ekhe inagap senisa fuk. Ero An Nawi wuri'mo yoma nen tak erora'ni,” iluk yagaisikhemo, it ineabu a'nogo eroratasik he ap Israel mene inogogwi melalinafarek mene o Tuhan Awi wuri'mo welagaikha mene aremnogo tak inoatunem isigi.

ULANGAN 33:27

Allah awe a'ma fethinarek mondok logolik, enggi omame hokho mene andiba lebethisugu mondok logouwago. Aren hit hinelokhoma nen hinaselei mene mugusogo lakfisikhi logolik, Hiren it mondok legetfisani, iluk yagahisikhi logouwago.