MAZMUR 71:23 - Allah Wene Fano Wene Hupla Inane

²³ An nen wuni fogethafu awuni Hat hobaget ikhi logolik he, an mondok nagaiyek hokho meneba wonoget fakhikhi logogin. Haren an nagap telogo nobagegenma re, an nebe nendawinggen oba nenat mondok nanggilukhogo nawuni wulagaisogo fogethafu welagirek.

MAZMUR 71:23 ပူးပေါင်းရင်းမြစ်များ

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

2 SAMUEL 4:9

A'nogo yagatukwaba nen he at Daud en onggo ikhi logolik he, ”Tuhan eluk mondok welagarek mene nen he, an nebe yi mene ti mene ambisangma a'luk noasu hagenek agunem nagap telnaferek mene a'nogo nen he, an nen igin mene yi re eberogo mene ikhe iluk eluat logogin.

MAZMUR 103:4

An nebe endawi hundigen, endawitnaferek, nebe wa'lasuhak were'ma, telnaferek.

MAZMUR 104:33

An nebe neluk logolik neisena Tuhan hobaget wuni watu mondok logogin. An nebe welagi yaba re neisena Allah hobaget wuni wati logolik fogethafu mondok logogin.

MAZMUR 34:22

It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.