MAZMUR 71:20 - Allah Wene Fano Wene Hupla Inane

²⁰ Haren he an noba enggin-fenggin hokhorogo hilingnobagakhi lagen, oba nen he, Harenat an nebe fano hilingnobagagin o, nen an nebe ap warek mene salinafuba nen neluk mennobagagin aro.

MAZMUR 71:20 ပူးပေါင်းရင်းမြစ်များ

2 SAMUEL 12:11

Ero hat honggwarek hagainafuri weak enat, yi enggin ti enggin hinoba fakhikhi logogun o. Nen, An nen he hat hagagwi honggwarek heil kumurinarek kwelek waganogo re ap amu mene ekhe wogisugunem, aben lingge tulem werek kwelek omanogo inom nogokhi logogun o.

MAZMUR 119:25

An nebe wul oba wengik welagi mene yi re, Haren wene watnisasigin mene a'nogo higithogo fano hilingisogo menobagain o.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 60:3

Neisena Allah, Haren nenahalok nit oboget nisegen, Nen nenahalok nit ninomame leget ninobagauwageluk hilingninafen, Haren hanini nit ninoba fegenma, yogondak hilingik welago mene yi hambotkwe halogo ninobagaime o.

MAZMUR 60:5

Nit Hat hagainafuri a'nogo enggin-fenggin mondok elo'lek mene hoageluk hilingninobagegen. A'nogo hilingninobagegenma re, ap i lugu lugwi palharek mene naluk talo-talogenggerik lagaikharek higit, nit a'nogoat hilingirik laga lago o.

MAZMUR 80:18

Ap Haren wenatigin mene andi inom, nen afuni inamlogo manggusa tago Hat honggwarek faget omamet fesigin mene andi inom, agap telogo fisogo logoino o.

MAZMUR 85:6

Haren he mondok-mondok faget wena'nisugu logogin nogo a? Nen ha'mage ninoba fugu mondok logogin a?

MAZMUR 86:13

Haren he hendawi hundik mondok hokho meneba hilingnafu welagenma a'luk he, an neluk a'nogo wa'lagu mene ambelema nen ogalnobagegen.

MAZMUR 95:4

Nen kweang elonggoma walek ma'lima mondogat he At enggim welagarek, nen o tom unggul-unggul andoma mondogat he At mene nek werek.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YUNUS 2:6

Tom i elema ma'lima werek mene eroma ma'lima pigirik, kwe kelok ninghogo yagare'ma re, wulibi wesu elo'lek hilingi'mo pigi, mondok-mondok logogin iluk anggigirik were'ma nen, hat neisena Tuhan Allah nen neluk logouwageluk fem a'ma ma'lima nen liaknobagai wagen o.

MARKUS 15:34

Mum werek kwelek, jam 3 arat asi lagaikhemo re, at Yesus nen Allah mel yagatikhe. Nit ninaneba re, ”Neisena Allah! Neisena Allah! An nenahalok heraknobagegen,” iluk u hak, it inaneba re, ”Eloi! Eloi! Lama Sabakhtani!” iluk ane hokhorogoat yagatikhe.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

EFESUS 4:9

”At ebe lagasikhe,” iluk isikhe andi ebe re, at ebe kweang a'ma pisikhesigen lagasikhe, iluk u hak isikhe andi.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.

1 SAMUEL 2:6

Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.