MAZMUR 71:2 - Allah Wene Fano Wene Hupla Inane

² Hat he katokhogo nek hilingiti lagenma re an fikhalogo nobagain o, an nane hesanggo holfuluk nagap telnabin o.

MAZMUR 71:2 ပူးပေါင်းရင်းမြစ်များ

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 143:11

Tuhan neisena, Haren wene watnisasigin mene higithogo telnabin o, Haren fano hilinginafendek mene a'nogoba an enggin-fenggin noba agama welagi mene yi lologo nobagain o.

MAZMUR 17:2

Eberogo wene andi re Hat mondogat helure'ma re, an nawene yi faget nili wo'nabin o.

MAZMUR 17:6

Allah neisena, Hat he an nen yagaheti lagi mene andoma nane hesanggo holfuluk onggo yaganeti lagenma re, an nen Hat henu hombuk palhi lagi o. An nane ikhi lagi mene andoma hesanggo holnobagaluk he, heilenggen futnobagakhi logoin.

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 31:2

Tuhan neisena, an he Hat hoba lomborogo welagimo re, afuni nen an nendawimo ale mene hilingnobagauwageluk herak nobagagun o. Haren he mondok katokhogo nek hilingiti lagen a'nogoba an nagap telogo nobagain o,

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

1 KORINTUS 10:13

Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.