MAZMUR 71:19 - Allah Wene Fano Wene Hupla Inane

¹⁹ Neisena Allah, Haren katokhogo hilingiti lagen mene andi re pogot eil uan andi hak hilingik, nen Haren hilingiti lagen mene andoma re mondok hokho pokhorogo hilingi'mo re, ap sa hagen Hat hebe hilingik welagen mene faget mondogat futhobagau hak nogo? Mondok elo'lego.

MAZMUR 71:19 ပူးပေါင်းရင်းမြစ်များ

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

MAZMUR 139:6

Haren yi wene ti wene mondok elonggoma mene helu welagendek mene andoma re, an nen futfoumo re mondok elo'lek, an nendawimo nen wenggelhamo nen ogore wenggelogo lalek hak.

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 36:7

Haren higithogo nek hilingninobagakhi lagen mene andi re tom unggul uan mene wolonghogo liabek andi higit werek, nen Haren hawene melalek werek mene andi re i laut unggut uanhogo yenggelek andi higit werek, afuni inom yi mene ti mene lebeterek mene andoma inom mondogat he Harenat halinafu mandok welagen.

MAZMUR 57:10

Tuhan neisena, an he it afuni inunggulenu mene inanggele'ma andoma nen, Hat hai wat hafu welagik, nen it afuni hokhorogo inanggele'ma andoma nen Hat hobaget wuni fogethafu awuni watik, ikhi logogin namolo o.

MAZMUR 72:18

Tuhan it afuni Israel mene ineisena Allah andi nek fogeratu mondok logouwok. We At ami amu nenat yi wene ti wene elalin mene nek hilingiterek.

MAZMUR 86:8

Tuhan neisena, allah Hat hemberek higit mene ekhe werek lek, nen Haren hilingiti lagen andoma hakhogo it amu mene nen a'nogo ekhe hilingisugun mene werek legat.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

AMSAL 15:24

Ap hebelek mene re ebekwe liabek inelugerinaferek meneba lagagarek, oba nen he ebekwe wa'lagaikharek meneba pelabek pagarek lek.

AMSAL 24:7

Ap kembu mene nen he inendawinggen kagalek mene agu le'ma re ap wene esin mene faget inane matu kwelek oba nen aren yi'nogo ti'nogo igi'lek afe sogourogo welagarek.

YESAYA 40:18

A'nogo hilingi'mo re haren Allah andi re sa inom iliret ikhi lagen? Ap sa Allah inom higitsek anggikhi ikhi lagen?

YESAYA 40:25

Allah Horek Mondok werek mene andi inom he, sa nen an ninom higitsek anggaluk hilingiti lagen nogo? Haren ap sa hinom At nemberek higirap esigin iluk hilingiti lagen?

YESAYA 5:16

Oba nen Tuhan Omame Mondok Hokho mene andi re Aren eberogo hilingiterek mene a'nogo At ebe Omame hokho mene a'nogoba weinamet fagain. Nen, Aren yi afuni ti afuni At againafuri mene inawene katokhogo palinaferek andiba re At Mondok Amu enogo welagarek mene a'nogo inugisagain.

YESAYA 55:9

Kweangma nen pogoroba eil uan welagarek andi hak, An nen wenggelhirek mene andi re ambolkwe hak werek kwelek haren wenggelhi lagen mene re a'makwe hak werek, An lagirekwe re poma hak werek kwelek hat laga lagen kwe re a'makwe hak werego.

YEREMIA 10:7

Hat hebe re yi afuni ti afuni inunggulenu hokhorogo inobaget Raja welagen. Ap sa hagen Hat hoba eberogo anggigi'legengge logou hak nogo? Yi afuni ti afuni inanggele'ma andoma inobabut hebelek mene werek oba nen ogo, athe inogogwi raja-raja inungguloak kagalek mene welagaikharek oba nen ogore, Tuhan nineisena Hat hinom he ap iliresu mene ekhe werek lek, we nineisena Hat enek he eberogo esinet hobagaluk legeisogo hobagakhi logou hago.

LUKAS 1:49

At omame hokho mene nenat, hokho mene hilingnafe o. At onggwarek amuat enu werek logouwago.

ULANGAN 3:24

”Tuhan neisena, Hat mondok lego welagen mene. Haren an noba weinamet fikhi lagen mene andi re, hobabut mondogat elalin mene hilingitik, hilingisu mondok elo'lek mene hilingitik ikhi lagen mene a'nogo attak-attak inu'nisageluk erorati lagen. O pogoroba mene nen ogo, kweangma mene nen ogo Hat Allah nen elalin hilingisu lek mene hilingiti lagen andi hakhogo ap allah alek mene nen hilingisu mene ekhe werek lek.