MAZMUR 71:18 - Allah Wene Fano Wene Hupla Inane

¹⁸ Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 71:18 ပူးပေါင်းရင်းမြစ်များ

KEJADIAN 27:1

Inenggi ekhe sambul he, Ishak arat yaman agaikhesik eilenggen mondok mum agaikhemo, logolik, amlogo Esau manggusa mene a'nogo woletikhemo wagaikhemo re, mel yagatikhe: ”Namlogo e,” iluk yagatikhemo, at Esau nen he, ”Wu, Neisena,” iluk yagatikhe, a'nogo yagatikhemo

MAZMUR 22:31

It hobuk logogun mene nen he, Tuhan faget enek hilingiti logogun. Iren he, iren tagongge mene inoba, At ane yagaisilik laga logogun.

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

MAZMUR 71:9

It naselei mene nen nabok palhu welagik, nen an nebe noasuogeluk inane seberogo mati logolik werek enggere, An nebe yaman agi halok he, neisena Haren hu'nea fugo, nen nomame mondogat legagi halok he an nebe oboget nea fugaro.

MAZMUR 78:4

At Tuhan omame hokho a'nogoba hilingiti lagaikhe mene inom, Aren yi mene ti mene elalinhogo elalhikhe mene andoma inom, At obabut hilingisu elo'lek mene hilingiti lagaikhe mene inom andoma re, nit ninagainafuri inoba nen sebelogo fuluk hinagaisogo fisogo logogun lego. Athe niren he tindelogo yagaisugunem he iren hobuk inagainafuri taginabumo logogun mene inoba ogo fakhogo yagaisikhi logogun aro.

MAZMUR 78:6

A'nogo isikhe andi re, it hobuk ta'lasugun mene nen ogo At ebe inelu nek logolik, Iren inagainafuri taginabugun mene inoba yagaisilik laga logouwageluk, isikhe.

KELUARAN 13:8

Nen hiren seni andi eroratu sambul he, hit hinagainafuri ap mene inoba tindelisikhi logolik he, ”Niren mondogat a'nogo hilingiti lago andi re, nit o Mesir herakfuluk wulibi wagunem Tuhan nen yi'nogo ti'nogo wo'ninarek wagaikhe,” iluk tindelisikhi logogun.

YESAYA 46:4

An he hit hinebe yaman asugun huli andoma re, hit hineisena Allah at logogin. A'nogo logolik halhinafu werek kwelek enek he hinesi helel wulibigin. An nenat elalogo hinobagasigimo re halhinafu mondok logogin, An nenat lebethisigik hinagap telhik hilingiti logogin.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.

YESAYA 53:1

A'nogo isukwama it inunggulenu a'nogo nen onggo ikhi logolik, ”Niren holugun mene andoma faget sa nen eberogo anggagain nogo? Ap sa nen Tuhan omame andi re weinamet fikhe nogo?

KISAH PARA RASUL 13:36

At Daud andi re, agaila'lak ambine ta'lagaukwa mene inom logolik, Allah nen, yi'nogo hilingisuak, iluk endawimo anggasikhe higithogo hilingiti lagaikhesigen, ebe wa'lagaikhe andi. Wa'lagaikhemo re, ombalak warek salinafukwaba inoba loukhogo salhukwama re, fili agaikhesik, lek agaikhe andi.

1 SAMUEL 4:15

At hun Eli ebe umur 98 tahun agaikhemo eilenggen mondok mum agaikhesik welagaikhe.

1 SAMUEL 4:18

Ap andi nen he, ”Peti Wene Warogo Allah nen wo'ninafikhe iluk hilingik a'nogo yi'nogo hilingita,” iluk yagatu kwelek aremnogoat, ap Eli ebe leget pa'leget ambe pale'ma era'lu andoma hurek welagaikhengge a'nogo tamakhogo ambot lenggak pisikhe. A'nogo pikhi logolik he, at ebe arat yaman agaikhesik ebe mondok lumbuk helarogo hilingfesikhemo nogo nen he, ot lumbukhogo pinggi wa'lagaikhe. At ebe eluk logolik, afuni Israel mene 40 tahun ferinarek welagaikhe.