MAZMUR 71:15 - Allah Wene Fano Wene Hupla Inane

¹⁵ Haren katokhogo nek hilingiti lagen mene faget inom, inenggi wenasu elo'lekhogo telninafi lagen mene faget inom, an nen linggene inukhogo tindelhu mondok welagirego.

MAZMUR 71:15 ပူးပေါင်းရင်းမြစ်များ

1 TAWARIKH 16:23

O kweangma yoma mondogaren he Tuhan faget enek awuni wasuogo, Aren nit ninagap telninafe iluk he, linggene hundik-hundik fano wene andi nek fagati logoni o.

MAZMUR 145:2

Linggene hundik-handik andoma an nen Hat hai wathafu welagik, Nen nenggi mondok-mondok andoma Hat henu seralhu welagik, ikhi logogin.

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

MAZMUR 35:28

Andiba re an nen Haren katokhogo nek hilingiti lagen mene omanogo faget fagesi lagik, nen lingge inukhogo Harenek fogethafu welagik, ikhi logogin o,” iluk samban isikhe.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 40:6

Tuhan neisena, Haren elalin mene hokhorogo hilingninafi lagen. Neisena Tuhan Allah, Hat hinom higit mene re ekhe werek lego. Haren yi'nogo ti'nogo elalin mene nit faget hilingninobagagin mene mondok hokhorogo melalogo fegenma werek. Niren wene andoma mondogat pilingisumo re, elo'lego.

MAZMUR 51:16

Neisena Allah telnafendek mene, an nendawimo nagaiyek hikhi logolik, haren higithogo hilingiti lagen wene andi, an nen yagaisilik laga logoigen he, noati'lek heraknobagain o.

MAZMUR 71:24

Afuni an weaget nobagauwogeluk hilingiri'lagwi mene omanogo mondogat inomame lek agaikhasik inenggali agama re, linggene inukhogo Haren katokhogo nek hilingiti lagen mene andi faget fagetu mondok logogin o.

MAZMUR 71:8

An nen he hundik-handik Harenek fogethafu welagi o, nen lingge inukhogo re Hat hebe hanggiluk welagen mene a'nogo fogethafi lagi o.

MAZMUR 73:28

A'nogo meneat he, an enek he nebe Allah hera'lu horokhogo werek aple andi re mondok fano hilingi'mo hikhi lagi, Neisena Tuhan Allah nen fetnarek logoinogoluk, hawe a'ma andoma kuluk logolik he, Hat hilingiti lagen mene mondogat yagaisilik laga logogin o, iluk wuni watikhe.

MAZMUR 89:16

It afuni inunggulenu ekhe Tuhan hebe haselek hombakbak a'nogoba logolik, inagaiyekhogo Hat hobaget wene kabogetarek mene andi re, inagaiyek hikhi logouwak.

AMSAL 5:2

A'nogo hilingisigin obare hat hebe hendawinggan kagalek logolik, wene ane agarek mene helu agik, afuni inelokhoma welagaikharek mene helu agik, igin o.

HAKIM–HAKIM 5:11

A'nogo yagaisilik lagunem, afuni i mogo habuli'mo wuni watu mondok logolik, nineisena Tuhan nen ninaselei mene mabenet fesikhemo, At againafuri Israel mene ninomame agosik, iluk agap sagalogo yagaisilik laga logoino. O kota leget ambe palekwe erathigik weri'lagwi.