MAZMUR 70:2 - Allah Wene Fano Wene Hupla Inane

² Neisena Allah, Haren an nagap telogo nobagain o, Tuhan, an weak weakhogo lebetnabime o!

MAZMUR 70:2 ပူးပေါင်းရင်းမြစ်များ

MAZMUR 109:29

It afuni an noba fu'mo hikhip niili'lagwi mene andoma re it inebe sebelfisagarek awene a'nogo nek inoba asi wesigin, nen su hokho mene jubah endakwe labetarek a'nogo hak he it inenggali mene inoba sebelinabi wesigin.

MAZMUR 141:1

Daud awuni. Tuhan neisena, an nen Hat henu hombuk palhi lagi andi nen he, weak weakhogo lebetnabime! An nen Hat hoba wolhafu halok he nane hesanggo holnabino.

MAZMUR 22:12

An weaget nabugun mene horogat asi wagaikhama re, telnabugun mene ekhe werek lek andi nen, Hat he hera'nobagaluk yatma lagun o.

MAZMUR 22:20

A'nogo meneat he, Tuhan neisena, an nebe heraknobagaluk Hat hebe yatma lagun o. An nomame re haren enek wo'neti lagen andi nen he, weak-weak we'luk lebetnabi me o.

MAZMUR 35:26

We an noba enggin hokho were'ma ineilenggen neagarek mene nen he, inendawinggen nonghong iluk inenggali asuak. Nen an neilhanem wonoget fakhili'lagwi mene andoma, inenu sebelogo fuluk inenggali warogo fisoak.

MAZMUR 35:4

It afuni an nebe noasugun iluk hilingiri'lagwi mene andoma, inomame legetfisigik, inenggali warogo hilingfisigik uago. It afuni inebe misik sebe iluk nabok palogo naselei ari'lagwi mene andoma inendawinggen munenogo inambotkwe hebelhoago.

MAZMUR 40:14

Tuhan neisena, weak-weagat an nebe telnabin o, an nebe weak-weak lebetnean o!

MAZMUR 6:10

At Tuhan nen, an nen kino yagati mene nane esanggo holnobagagik, samban oba yagati mene Aren wo'nafik, hilingnobagali'lago.

MAZMUR 71:12

Neisena Allah, Hat hebere an welagiba nen yatma lagun o, Allah Haren weak-weak telnabime o.

MAZMUR 71:13

It ap an noasuogeluk hilingisi weri'lagwi mene andoma re, inenggali watfisaluk inebe legetfisano o. It afuni an nebe alomat nobagauwogeluk hilingisi weri'lagwi mene andoma re, inendawinggen nonghonget fisamo inenggali asuago.

YESAYA 28:13

Andiba re Tuhan nen hit hinoba ero misik-misik ane misik-misik, asiok misik-misik yagaisili'lago andi o. Nen, hit logoin iluk lagunem he hineisok peikhogo hinagambut palogo hinoatunem he, hinenggi hele warogo helewarek fisugunem hakhogo welagep.

YESAYA 41:11

Yethan, afuni hat hinom weim palek logolik wenakhetu werek mene andoma inebe mondogat he, inomame leget fisambik sebelogo fisamo inenggali asugun. Ap san nen iluk ogo hat hinom eilhabugun halok he ineiloak legasuogeluk hilingisugun.

YOHANES 18:6

Nen, at Yesus nen he, ”Andi nebe an aro,” iluk yagaisugunem he, it omanogo maminghogo inalele fat-fat laga logolik he, inalele tagaurogo warilik lagaukwa.