MAZMUR 7:6 - Allah Wene Fano Wene Hupla Inane

⁶ we, it an naselei mene omanogo nen enek mu'narek senabi we'luk, nebe warogo kweangma andoma nobagauwago.

MAZMUR 7:6 ပူးပေါင်းရင်းမြစ်များ

2 SAMUEL 17:14

A'nogo yagatikhe andi, Tuhan endawimo nen he, ”Absalom mondok weak asuagen he, Ahitofel en wene ebe asigin ikhe mene andi Husai nen sebeluak,” iluk anggasikhebaat yagatikhemo, at Absalom ebe inom agoromi Israel mene mondogat inomen he, mel isukwa: ”Wene Ahitofel en ikhe andi weak ikhe meneat he, Husai nen ikhe andi nek he, fano mondok ikhe o,” iluk isukwa.

MAZMUR 103:6

At Tuhan nen, afuni ekhe weak hilingfisagarek mene, inebe mondogat inawene pilingisogo wene higithogo inoba figik kotik ikherek.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 143:3

It naselei mene nen an si'narek mu'narek nikhi logolik nomame leget nobagali'lagwi andi, nen iren an nebe hele warogo fisagarek oba mondok mumse'ma omanogo nobagagunem he, an nebe ap attak wa'lagaukwa mene omanogo hangge hilingla'luk welagi.

MAZMUR 3:7

It afuni an naselei mene inebe mondok hokho pokhorogo logolik, nabel fena-fena inom nambotkwe nen inom maserogo kwelaknabi weri'lagwi oba nen he, an nen it faget nailorinafi lagi mondok lego.

MAZMUR 35:1

Tuhan neisena, afuni ninom selerirogo noasuogeluk weri'lagwi mene andoma Hat hinom yabini o, nen it afuni ekhe an noasuogeluk weim kwi weri'lagwi mene andoma Haren inoasin o!

MAZMUR 35:23

Tuhan Allah an neisena, Hat hebe menla'luk he an nawene yi faget nebikhit ame o, an lebetnabin, neisena!

MAZMUR 44:23

Niren Hat hobaget enek hilingitunem he, nit ninebe nineiloak leget ninabuogeluk ili'lagwi, nen wam domba wasuogeluk mene higit hilingninobagali'lagwi.

MAZMUR 44:26

Nit he mondok ninomame leget ninobagagunem wul oba wengik welago, ninebe kweangma pelakninobagagunem welago.

MAZMUR 59:5

It mondogat fik-foukhogo hilingfagasik weak-weak o lasi kwi wesuogeluk hilingiri'lagwi andoma re, an nen naweak hilingitiba iluk ogore mondok lek oba nen.

MAZMUR 73:20

Inabi hagarek mene ineluk aga logolik inonggot agarek andi hak, neisena Tuhan hebe menlagu sambul he, it inebe mondogat weagerinafunem lek agaikharek.

MAZMUR 74:3

It selei mene omanogo nen Hat Hawi wurik a'nogo wolelenggenhogo faga andi nen he, obalik meisak langgukhogo hilingfagakwe andoma heisok pelak filik lano.

MAZMUR 78:65

Andiba re At Tuhan ebe afuni nogokhi la'luk feisakhogo menlagaikharek a'nogo higit menlagaikhe, nen ap i anggur agai hinago naluk inomame agunem hilingitarek higit hilingitikhe.

YESAYA 3:13

Tuhan he, At againafuri omanogo inawene pilingisogo wene inoba figik kotik igiluk mendek logolik fik-foukhogo werek.

YESAYA 33:10

Tuhan en inunggulenu andi mene inoba ikhi logolik, ”Yogondak An menlasimbik he An nomame mondok hokho logolik hilingitirek mene a'nogo inuk hisagain o.

YESAYA 37:20

Nit nineisena Tuhan Allah, afuni kweangma inunggulenu lombok werek mene andoma nen he we Hat hamu nek Tuhan welagen mene a'nogo inelu asuageluk, ap Asyur mene andiba nen nit telogo ninobagain o,” iluk samban isikhe.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.