MAZMUR 7:15 - Allah Wene Fano Wene Hupla Inane

¹⁵ Hani, ap weak hilingiri'lagwi mene nen he, weak hilingisugun mene nek hilingiri'lagwi andi. Wene weak mene nek melalfuluk he inebeba nen ineranhogo mene nek hilingiri'lagwi.

MAZMUR 7:15 ပူးပေါင်းရင်းမြစ်များ

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

AYUB 15:35

It he weak mene nek inelokhomarogo hilingitu logolik he, weak mene andi inalabutmo su kwalogo werek. Nen inendawinggenma re weak mene andi nek peterek logolik werek,” iluk isikhe.

AYUB 4:8

An nelu re, afuni nen yabu waganogo, awi weak mene yatunem, hobuk ebe weak meneat tatik, palhik, agarek hak, weak hilingitunemat wene weak mene inoba agarek andi, nelu o.

AYUB 6:27

Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

MAZMUR 10:2

It afuni weak hilingitarek mene nen he wonoget fakhikhi logolik afuni inenggi lek mene omanogo enggin-fenggin inoba fikhi logolik sebelisugu werek omari! We it andi inonggwaregen hele webet fakhili'lagwi hilingi'mo re it inebe elema ke'nok ikhi logouwak.

MAZMUR 119:85

It afuni Hat hawene melalek oba hologo hilingiri'lagwi lek mene omanogo nen, an neisok taganhogo puageluk kweang habuli'lagwi.

MAZMUR 141:10

It andoma re inonggwaregen hele yepsek mene andomaba ke'nok ikhi logouwak, oba nen an enek he nagap telek logogin fano.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

MAZMUR 94:13

Enggin mene oba asi wagunem, ap weak hilingiterek mene senesuogeluk kweang habulogo fougeratu sambul andoma re, Haren at a'nogo endawimo hambuget fikhi lagen.

AMSAL 26:27

Ap ekhe nen ap amu mene faget iluk kweang habuligin oba nen, kweang habuli'mo a'nogo onggwarek eisok kobokhogo pigin. Ap ekhe nen helep ap amu mene faget iluk wephogo fagain oba nen, helep a'nogo nen onggwarek tunghogo wasigin.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

YESAYA 33:11

Hiren wene yi'nogo hilingisugun ti'nogo hilingisugun iluk ikhi lagep mene andoma re alemarogo o. Nen hiren yi wene ti wene hilingiti lagep mene andoma re ambisangma ekhe tibikherek lek. Hit hina'mage lagakhi lagep mene andoma re endu nen hit hinebe nolhinafu mene hakhogo hilingik welagep.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

DANIEL 6:25

A'nogo hasukwama, at raja nen, it ap Daniel wene oba fesukwa mene omanogo fakfisasikhesik he, inagainafuri inom, inagagwi inom pogolema singa werek oba a'nogo pelaginabuageluk yagaisasikhemo, pelaginafukwa. A'nogo pelaginafukwama, inebe pogolema singa werek oba a'nogo kweang oba tunghogo pigi'le'maat singa omanogo nen inebe halulum higik inoak inom mondogat tamulogo nasikhe.