MAZMUR 7:13 - Allah Wene Fano Wene Hupla Inane

^13-14 It afuni andoma inobabut hebelhi'legengge nekherogo nek hilingik halok he, Aren he sikhe ap watu meneba pinggi inoasigin iluk fik-fouksek logolik werek. Nen At enggarok enggat felfelengge magaisogo, andok endu hak mene a'nogoba pisinggerisagain iluk asikhe enggelaba wephogo fangsek logolik werek.

MAZMUR 7:13 ပူးပေါင်းရင်းမြစ်များ

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

MAZMUR 11:2

It afuni weak hilingitarek mene nen inasikhe engga ninghogo salfuluk he, o mum se'ma omanogo nen afuni higithogo hilingitarek mene inoba pising isouwogeluk, tok sikhe enggelaba kwelagaisogo fangsek logolik werek.

MAZMUR 144:6

It haselei mene pugulik-pagalik uageluk Hat hangge eilabut yegelogo lakfei me o, it inebe hesangge pesangge asuageluk handok pisingerisan.

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

MAZMUR 45:5

Hane liolek oba katokhogo tegetik, nen eberogo weneba nek tipsek logouwageluk ninget figik, hilingfuluk he, hat hebe halong-palonghogo hilingfuluk homame asigin mene faget ninghogo hilingiti logoin. Nen elalin hilingiti lagen andomaba re hat homame hokho mene logouwageluk telogo fakhano o!

MAZMUR 64:3

Afuni weak hilingiri'lagwi mene nen inane misik makfuluk hilingisi weri'lagwi mene andomaba nen inom, ap inoba hinggi mene andoma nen inawene ina'malolo kwelabek mene nek makfuluk hilingitare'ma andoma nen inom, nagap telogo nobagakhi logoin o.

MAZMUR 64:7

Iren he wene weak hilingisugun mene omanogo faget enek abok palhi logolik he, yi'nogo agarek, ”Niren wene palhi lago mene andi re mondok ninawenggelekhogo nek palhi lago,” iluk agarek. Afuni inendawinggen inom wenggelharek ero inom andi re mondok elonggoma hilingi'mo re afuni nen kwelakha re elo'lek.

RATAPAN 2:4

Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

HABAKUK 3:11

Handok pisingethugunem ombak-bak he furung warogo lagik, harigeba fangetunem amulit yabelanget higik, ugunem he, mo inom, tugi inom, lagi'lek aloksek werek andi.

HABAKUK 3:13

Haren at raja wenatigin mene a'nogo ili wanhi logolik inom, Hat hagainafuri fikhalogo fisageluk waga logolik inom, ap inogogwi melalinafarek mene inobabut mondok weak mene omanogo inoati lagen. Nen it inom seberogo lagaikharek mene omanogo re, Haren mondok felelenghogo legetfisikhi lagen.

ULANGAN 32:23

An nen yi mene ti mene weak inailo mene, it inoba lakfei wagu mondok logogin, An nandok mondogat, it inoba pisinget isugu mondok logogin.

ULANGAN 32:41

Nenggarok amulit hokho mene, andi enggat makfembigenat, wene inoba filik lagain, Naselei mene inoasigin, An nebe inabit mene, inebe mondogat he, wene inoba fagain.

ULANGAN 32:42

It inamep an nandok ebene, hokhorogo labulasigin, Noasuogoluk agarek mene, nenggarok oba inoasigin, Afuni an naselei mene, tok warek, hele warek, ineluk herakfisigi'lek, mondogat inoasigin, iluk ikhe.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.

WAHYU 16:6

It ap andi nen, hat hagainafuri mene inom, hat hane yagaisagarek mene inom, inamep wulagaisogo inoatukwama re, mep noageluk wogisegen andi re, inobabut obaat higithogo wogisegen o, neisena,” iluk ikhi laga holhi.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,