MAZMUR 69:34 - Allah Wene Fano Wene Hupla Inane

³⁴ Andi re afuni inenggi lek mene re At Tuhan nen inane holherek andi nen o. It inagainafuri hele warogo kwelaginafarek oba omanogo kwelakfisugunem werek mene re, Aren elo'lek iluk herak fisikherek lego.

MAZMUR 69:34 ပူးပေါင်းရင်းမြစ်များ

KEJADIAN 1:20

Hobuk Allah nen he, mel isikhe: ”Yi mene ti mene ima ineluk logogun mene inom, yirue-tirue inesi yinik-hunik kweang honggolek pogot honggolek tulemkwe tarogo nikhi logogun mene inom mondok hokhorogo hilinglasuago,” iluk isikhe.

MAZMUR 102:18

It afuni At againafuri mene inebe mondogat inomame lek a'luk werek mene nen, At Tuhan oba samban agarek mene re, Aren mondogat esanggo holherek. Iren kino yagatarek mene re Aren nabit iluk herak fisikherek lek.

MAZMUR 150:6

Yi mene ti mene ineluk werek engge andoma mondogaren he, At Allah nek fogerati logouwak! Tuhan fogerasuok!

MAZMUR 96:11

Hit pogot inom kweang inomen he hinagaiyegeti logoni! I laut inom elonggoma weregengge andoma mondogat inomen he hinami'mit suphogo hinanggilugeti logoni!

YESAYA 49:13

At Tuhan againafuri koninabigiluk waga logolik, At unggulenu mene yi enggin ti enggin inoba fugu werek mene endawirinabigiluk weri'lago andi nen he: Hat pogot yi, wuni wulabin o, hat kweang yi re, hagaiyegesin o, hit tom-tom oma re, hinagaiyegen hinanggilukhogo hilingiti logoni o!

YESAYA 55:12

Hit he, o Babel herakfuluk hinendawimo hinagaiyek oba hinagap telogo wokhinarek wulibugun. Tom inom punu inom he inagaiyegen inanggilukhogo hilingiti logogun, e yabukwe wulibik mene re inenggi tabeti logogun.