MAZMUR 69:3 - Allah Wene Fano Wene Hupla Inane

³ An neisok peikhogo re tonggo fesi mondok lou lakse'ma ma'lima pigiri'mo re, neisok ninghogo fou oba ekhe werek lego. An i mogo mondok agum uan meneba ma'lima pigirik were'ma, i ha'labu waga logolik nebe sebelnafemo welagi o,

MAZMUR 69:3 ပူးပေါင်းရင်းမြစ်များ

AYUB 11:20

Oba nen he ap weak hilingitu mene re, it faget leberinabu mene ekhe werek le'ma re, inendawi suk-sakhogo logolik kwelakhiikhi logogun. It he we weak-weak wa'la'lo ago iluk we misik andi faget enek nenangot hikhi logolik logogun,” iluk isikhe.

AYUB 16:16

A'nogo logolik le yakhugunemen enek he neil ero mondok firogo heiselogo taik ikhesik he, nelokhe mep mondok sagalhe.

MAZMUR 119:123

Haren an nagap telogo lebetnabi wesuageluk nenangot hiugu werek kwelek enek he neil mondogat oueri'lago, an he Haren lologo wulak hobagagin iluk abok yaganetigin mene a'nogo nenangotu welagi o.

MAZMUR 119:82

Haren wene watigin mene andi tibet fouwageluk nenanggot hugunem an neil mondok senggeli'lago, an nen ikhi logolik he, ”Ki sambul Haren an nendawimo nagaiyeget nobagagin he?” ikhi lagi.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

MAZMUR 22:2

Allah neisena, an neisena Allah re Hat hebe welagen, nenahalok Haren oboget neegen nogo? An nen Henu hombuk palhi lagiba nen he, Hat hebe yatma logolik nane hesanggo holhi lagen lek?

MAZMUR 25:21

An nen Hat hoba nek nendawinggen eberek welagimo re, we Hat hobabut fano hilingnafi lagen mene andiba inom higithogo nek hilingiti lagen mene andiba inom an kagalnarek logouwak.

MAZMUR 39:7

ineluk he afuni inafumak furunghogo lagarek andi hak werek. Afuni nen yi'nogo ti'nogo hilingiri'lagwi mene andoma re we elama faget hilingiri'lagwi. Aren angge yi mene ti mene kabogerik lagaikherek oba nen he andoma ebe ap ti nen ninggik heligik ikhi logogin iluk mel onggorengge nen hilingiterek.

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 6:6

A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.

MAZMUR 69:21

An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

MAZMUR 88:7

An nebe Haren kiling ele mondok uan meneba pelak nobagegen, nen pogole mondok hikhaksek meneba ma'lima pelak nobagegen

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.

RATAPAN 2:11

An le palfigi'lek le agu mondok were'ma nen enek he neil mondogat fite, nendawinggen selekwe potunem nagupsak enek agama welagi. It inunggulenu mene omanogo wolelenggenhogo pelakfisilik lagunem he, yenggerugwi magendek mene inom, omalik fou mene inom he o kota ebekhe kwe omanogo inafekwe mo'luk ineil furuk fugunem nendawinggen mondogat warikhi lagi.

YOHANES 19:28

A'nogo arat hilingitukwasik oba nen, at Yesus endawimo nen he, ”Yi wene ti wene mondogat arat elugun warogo hilingiti,” iluk elu a'nogo nen he, Allah ane lisu palogo fesukwa mene higit asuageluk, ”An i nele,” isikhe.

ULANGAN 28:32

Hit hinonggwarek hinelokhoma nen hinagainafuri ap inamingmingengge hilinginabuageluk ap pok meneba wogisikhi logogun. Lingge hundik-handik hineil firogo hineagwi heraginafi logogun oba nen he, inambotkwe fisa wesugun le'mare, heraginabu elo'legat aga logogin.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.