MAZMUR 69:27 - Allah Wene Fano Wene Hupla Inane

²⁷ Iren he ap Haren unggum oba fesigin mene a'nogoba enggin-fenggin mene nek oba fugu werek, nen, ap Haren enggin-fenggin oba fesigin mene a'nogo faget he iren ikho wikho mondok were'ma re,

MAZMUR 69:27 ပူးပေါင်းရင်းမြစ်များ

NEHEMIA 4:5

Iren he, nit leget pa'leget wuti lago yi faget inendawimo seramet ninobagagasik nina'malolo kwelafa andi nen he, iren weak aga mene andi haren sagalogo leget fisambik, oba honggoret fugun o, neisena,” iluk ayonggo fesigi.

AYUB 19:22

Allah nen mu'narek nikho andi hak, hiren ogore, a'nogoat hilingnafi lagep andi nenahalok? An yi enggin ti enggin noba fugu welagep andi re hinendawimo seramen a?

MAZMUR 109:14

At ombawi nen weak hilingiti lagaukwa mene andoma At Tuhan nen endawi eberek logouwak, nen at agaisa nen weak hilingite mene andoma leget fegep hanogo.

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

MAZMUR 81:12

Oba nen he, it An nagainafuri omanogo nen he An nane holhu aple inabit welagaukwa. It afuni Israel mene nen he An nane hologo hilingitu aple mondok inabit welagaukwa.

KELUARAN 8:15

Yagaise a'nogo wa'lagaikhemo, at raja eilenggen hasikhe meneat he, endawinggen mondok haro agaikhesik, At Tuhan nen isikhe higithogoat Musa Harun emberek ugunem inane hologo hilingiti'lek herakfisasikhe.

KELUARAN 8:32

A'nogo hilinglagaikhe meneat he, at raja endawinggen mondok haro agaikhesik afuni Israel mene, lani, iluk yagaisigi'lek kamo isikheat.

KELUARAN 9:12

A'nogo meneat he, At Tuhan nen isikhe hagat, aren at kain endawinggen mondok haro hilingisogo fesikhemo, aren he Musa Harun emberek inane esanggo hologo hilingiti'lek herakfisasikhe.

YESAYA 26:10

Ap inanini weak mene andi re fanorogo hilinginabumo mene ogore, aren eberogo mene re ebe ti iluk wenggelu lek hak. O negara wene hilingitu awene lenggalek were'ma hilingitarek aiba mene ogore, aren he Tuhan omame werek mene a'nogo legeisogo figi'lek henarogo nek hilingiti logolik logou hagat.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YESAYA 53:4

Ebe eberogo mene re, ou nit ninoba mene korogo wanhik, yi enggin ti enggin nit ha mene re at higik, ugu kwelegat he nit ninendawimo nen he, Allah nen unggum oba fikhemo, yi enggin ti enggin oba aga o, iluk anggogorek andi.

IMAMAT 26:39

Hit mene hinebe endebengge ekhe it hinaselei mene inaiba andoma inanggele'ma hineluk logogun mene re, hit hinombawi inaweak faget inom hit hinonggwarek hinaweak faget inom hinoba ou pou hikhi logolik mondok logogun.

MATIUS 21:19

Sumburu nele agaikhemo re, e ara ero ekhe kwe esanggoma were'ma eilenggen yethaluk eroma lagaikhesik kwelakhasikhe mene re, enggen ekhe iti'lek, we, engga muli nek weregen he, mel yagatikhe: ”Hat e yi, huli yogondagen pikhit hobuk henggen mondok iti'lek logoino,” iluk homan fugu kwelek aremnogoat he, e ara a'nogo mondok pugagaikhe.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 9:18

At Allah nen, ”At yi nendawi,” iluk endawimo anggikherek mene halogat, endawiratik, nen, ”At andi endawinggen omamet fagain,” iluk endawimo anggikherek mene halogat endawinggen omamet figik, ikherek andi.

ROMA 9:31

A'nogo meneat he, it afuni Israel mene nen, Allah nen wene inoba mene korogo wokhaluk, hobuk inambotkwe at inom hunogo ninobagagin wene hologo logouwogeluk walhasukwa meneat he, elo'lek agaikhe.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.