MAZMUR 69:26 - Allah Wene Fano Wene Hupla Inane

²⁶ We, it inawi tenda wurikwe andoma re obalik enek hilinglasuak. Nen it inawi wurikwe andoma re folugenek asuak.

MAZMUR 69:26 ပူးပေါင်းရင်းမြစ်များ

2 TAWARIKH 28:9

O kota Samaria oba andoma nabi misik ekhe enu Oded andi welagaikhe. At andi were'ma nen he it tentara Israel mene omanogo re weim yabi lagaukwasik afuni Yehuda mene hele warinarek wagaukwasik he, it a'nogo o kota kwi wesugun iluk hilingitunemen he at Oded a'nogo it inom ambi agaukwa. Ambi agaukwasik he aren ikhi logolik, ”Hit hinambu-hinombalak ineisena Tuhan Allah a'nogo nen it afuni Yehuda mene inoba anini fikhemo re, hiren it afuni Yehuda mene mabenet fisa lagep andi. Oba nen he hiren it tentara Yehuda mene andi mondok elo'lekhogo inoatunem At Tuhan nen esanggo holhe andi.

AYUB 30:13

Iren he an nebe legaphogo nobagauwogeluk he kwe pal nobagagunem, it a'nogo hilingitu kwelek andem ap misigen ogo ekhe kwe palinabi'lagwi lek.

MAZMUR 109:16

Ap andi re aren afuni inelagaik isaluk inendawirinafu menere mondok onggot welaga. Aren he afuni inenggi lek mene inom inebe wiik-weakhogo werek mene omanogo inom, weak peakhogo fisikhi laga, nen afuni inobakheligik werek mene omanogo aren pinggi inoati laga.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

YESAYA 53:4

Ebe eberogo mene re, ou nit ninoba mene korogo wanhik, yi enggin ti enggin nit ha mene re at higik, ugu kwelegat he nit ninendawimo nen he, Allah nen unggum oba fikhemo, yi enggin ti enggin oba aga o, iluk anggogorek andi.

ZAKHARIA 1:15

Oba nen andi ero re it nagainafuri inoba na'mage fugu mene hambuget haluk welagiba nen it inunggulenu inap andi nen he, An nagainafuri inoba enggin-fenggin hugu mene a'nogo ekhe inom engginet fisugu weregen he, it inunggulenu inailo legengge fanorogo welago, iluk anggili'lagwi mene andi re, An na'mage inoba fugu welagi o.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

1 TESALONIKA 2:15

It ap Yahuri mene nenat, it ap fageat Allah ane yagaisikhi lagaukwa mene inebe inoatik, ninoe Enupogot Yesus ebe watik isukwa hagat, nit yi enggin ti enggin hilingninabi'lagwi andi, Allah nen fano iluk anggikherek lek. It andi afuni inom weak enek logolik,