MAZMUR 69:24 - Allah Wene Fano Wene Hupla Inane

²⁴ It ineilenggen puk akhambik, inamboroak hundik-hundik omame lek akhoak aro.

MAZMUR 69:24 ပူးပေါင်းရင်းမြစ်များ

MAZMUR 79:6

Iren he Hat hagainafuri omanogo mondogat leget fisigik, it inebe werek oba mondok wolelenggenhogo figik aga andi nen he, Hat ha'mage re it afuni inunggulenu Hat inonggot mene andi inoba, kweisal isan o. It afuni o kerajaan oba andoma werek mene Hat hoba wene kabogetarek lek mene omanogo inoba kweisal isalan o.

KELUARAN 15:15

Ap Moab mene weim inaniniweak mene a'nogo, inailo nen inoagelekwe abolok igin. Afuni Kanaan mene re inendawinggen legasigin.

YESAYA 13:8

It inebe mondogat he inailo hokho mene inoba asiginmo re ou hokho mene heinet wasugun mene re hemi omalik taginafi logolik ouen heinet watarek hak hilingisugun. It mondogat inendawinggen fit lasimbik inelokhe mep sagalogo hilingik logogun andi re inenggali nen hilingisugun.

HOSEA 5:10

Tuhan nen ikhi logolik, ”Afuni Yehuda mene inogogwi kaindek en afuni Israel mene inebe inoati logolik, inaiba sebeli kwi wagaikha andi nen he, na'mage mondok het-pet imbik i fu wagarek higit wene inoba lakfagain o.

ZAKHARIA 1:6

An namingmingengge nabi andoma inebene nen An nen wene melalek inom, yi'nogo hilingi'no, ti'nogo hilingi'no iluk werek mene omanogo inom hit hinombalak inoba yagaisikhi lagagi. Oba nen iren herakfisaluk hilingiti lagaukwa andiba re, ambisangma aga lagaikhe mene andoma saburikhi lagaukwa. Andi nen iren nit ninobaburen hilingito iluk inendawimo waraluk he, An Tuhan Nomame Mondok Hokho mene a'nogo nen it hilingitu mene onggo, An nen hilingisigin mene iluk wephogo fesigi mene a'nogo it inoba hilingfisugu mene faget fageti lagaukwa o,” iluk yagaisano, yaganete.

ULANGAN 31:17

It a'nogo hilingita halok he, An na'makwe mondok hetperimbik, nanini inoba fagain o. A'nogo fembik it inebe arat herakfisambik he, inebe mondok legetfisagain o. A'nogo legetfisikhi logolik, yi mene ti mene inailo mene hokhorogo inoba fugunem iren he, eige, nit he, nineisena Tuhan Allah fetninarek werek lek higi, iluk futfogoin o.

WAHYU 16:1

A'nogo yethigiri'mo nen, ombo'ne re, Allah awi wuri'mo a'nogo nen, at ane hokhorogo it malaikat inebe 7 nen omanogo mel yagaisugunem nesanggo holhi: ”An Allah na'mage i hak iwak ebe 7 ba hinago mene ari kweisalogo afuni kweangma mene inoba pelabi lani o,” iluk yagaisugunem holhi.