MAZMUR 69:21 - Allah Wene Fano Wene Hupla Inane

²¹ An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

MAZMUR 69:21 ပူးပေါင်းရင်းမြစ်များ

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

YEREMIA 23:15

Andi faget he Tuhan Omame Mondok Hokho mene a'nogo nen ane yi'nogo ikhe, ”Ap nabi o Yerusalem werek mene andoma inoba An nen it nunggu mene re arik weak mene inom, racun ap waterek mene inom, it noageluk wogisagain. Andi re iren hilingik oba afuni o kweangma abirengge omanogo nen An nalong anggaluk legeisogo nobagali'lagwi lek andiba hilingisigin o,” ikhe.

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

YEREMIA 9:15

It a'nogo hilingitarek andi nen he, An hit afuni Israel mene hineisena Tuhan yi mene ti mene hilingisuhagenek a'nogo nen hilingisigin mene yagahesigin yi hesanggo fanorogo holino o. An nen he: An nagainafuri inamburu ninggi logogun mene re ale weak mene wogisigik, inagai ninggi logogun mene re, inebe wa'lagaikharek mene wogisigik, igin o.

RATAPAN 1:2

Hup inukhogore oba sinurogo le agu mondok werek, eil amusu elokhenggen kwe piali waga. It ap at inom inendawi hundik welagaikharek mene nen iluk ekhe at endawinggen sebelogo koni'lagwi lek. At agaila'lak mene nen weagarogo fuluk he hebekhogo at aselei mene ari'lagwi.

RATAPAN 1:9

At ebe emerek mene re mondogat eneksek, oba nen at ebeba asigin mene faget he aren fut fili'lago lek. At ebe mondogat wililinggin wolelenggenhogo taik ikhe, oba nen ap misigen ogo ekhe koni'lagwi lek. At aselei mene mondogat inalong agaikha andiba re aren Tuhan nen endawit nabuageluk kinori'lago.

MATIUS 27:34

Wagaukwasik he, anggur enggen amusu inom, wam amise hangge ale weak mene amusu inom, inom misikwe hilingisogo, at noageluk wogetukwama mikhasikhesik he, nabit iluk ninggi'lek, herakfesikhe.

MATIUS 27:48

ap it mene ekhe fungusek lagaikhesik he, hali esinggen hangge mene anggur enggen amusu ale weak mene magaisogo nen noageluk esunggwat oba fo'lokhogo wogetikhe mene re,

MARKUS 15:23

Lagai wagaukwasik he, anggur enggen amusu inom, e mur amusu obat hangge mene inom, inom nanggelek-hanggelek hilingisogo wogetukwa menere, herakfisasikhe.

MARKUS 15:36

ap ekhe fungusek lagaikhesik he, hali esinggen hangge mene anggur enggen amusu ale weak mene magaisogo nen, noageluk esunggwat oba tokhogo wogeti logolik he, it ekhe mel yagaisasikhe: ”A! Elia nen he, at yi telogo pelakfei wesigin he a? Lek he a. Nineilenggen logouwok,” iluk yagaisasikhe.

LUKAS 23:36

Nen, it ap tentara mene omanogo oba horokhogo wagaukwasik, anggur enggen amusu ale weak mene a'nogo hegethasukwasik he, inane asegen wokhikhi logolik, ”Hat afuni Yahudi mene inoe kain henupogot eberogoat halok he, honggwaregen telan he,” iluk yagatukwa.

ULANGAN 29:18

Arigini'mo re hit afuni andoma hinanggele'ma nen ekhe ap mene a, he mene a, it o hulu misik mene he a, it henawi misik mene he a, ya mendek welagep mene misik ekhe nen nit nineisena Tuhan Allah a'nogo herakfuluk afuni inunggulenu amu mene nen amu mene faget allah ap-ap elalfuluk apne wanharek mene andoma inoba apne wanilagep hanogore furogo kagalek logoino. Hiren a'nogo hilingisugun halok he omanggen ale weak mene inom, wa'lagaikharek mene inom wuliferek a'nogo hakhogo asugun o.