MAZMUR 68:6 - Allah Wene Fano Wene Hupla Inane

⁶ It yenggerugwi suarek mene inom, nen hemi sogwe mene inom, ferinarek mene re ineisena At Allah Awi mondok hore'ma welagarek mene andi aro.

MAZMUR 68:6 ပူးပေါင်းရင်းမြစ်များ

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 107:10

Afuni andi it ekhe nen he, Allah awe a'ma logogun ninabit, iluk Tuhan Allah Lego Mondok werek mene a'nogo nen he, ”Yi'nogo hilingiti logoino,” isikhe mene a'nogo inendawimo serametfikhi lagaukwa andi nen inenggi posiemanggen heleba warogo fisasukwama heinet watu logolik hele warek o mum oba andoma welagaukwa.

MAZMUR 107:14

Aren he it inebe o mum oba omanogo nen inom posiemanggen meneba homago mene omanogoba nen inom, hele fikhalogo wulakfisa waga lagaikhe.

MAZMUR 113:9

Arenat he hemi ibili mene inoba inomalik we onggo lek wogisikherek, nen it hemi nen hilingitarek hagat hemi sogwe andi ineagwi inom inaiba andoma agaiyekhogo were'ma along anggaluk legeisogo fikhi logouwageluk hilingfikheregat. Allah hai wasuok!

MAZMUR 146:7

Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 69:33

A'nogo hilingitunem andi ineilenggen healuk he afuni inoba enggin-fenggin hilingfisugunem werek mene re inagaiyek agaikharek, nen it afuni Allah apne wanharek mene re inalong ari'lagwi.

AMSAL 23:11

Ariginigin halok he, Tuhan omame hokho mene a'nogo nen inili woginabimbik, At ebe it inebikit a'luk hat hebe mabenet hobagai nogo.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

HOSEA 2:3

A'nogo yagasugun oba nen aren etokhogoat esanggo holhi'lek, yananiat nilik nugu halok, at ebe alfulukwa kogouk ta'lagaikhe andi hak, alfulukwa kogougat logouwageluk An nen asu nonggologo potfisagain o. An nen at ebe kweang i amusu le'ma puk iringik weak andi hangge hilingisogo foumo re, ebe i nele nen wa'lasigin.

MALEAKHI 1:3

Esau re nabiret fesigi andi. A'nogo habit oba fesigisik, at Esau werekwe tomkwe omanogo mondogat he An nen wolelenggen tagalogo leget figirik, kweang o leikwe omanogo mondogat he wam maro mene eiserogo logouwageluk it inoba wogisasigi andi,” iluk ikhe.

KISAH PARA RASUL 16:26

A'nogo ugunem, misigamat lugul hokho mene langethugunem he, o hokho wuri'mo welagaukwaba andi o tik warek mene erak-kwerak hikhi logolik, kwe yagarek mene mondogat houwak lambuk igik, afuni mondogat inenggi hele warek welagaukwa mene omanogo fikhalagik, isikhe.

GALATIA 4:27

Andi faget he, Allah aneba wene mel iluk lisu palek werek: ”He agun werek mene nen eagwi inebe endebat taginafu kwelegat he, ekhe agun en lologo herakfesikhe mene nen, eagwi hokhorogo taginaferek andi nen he, hat hebe abili heak takhigi'legat welagen mene andi, hendawimo hagaiyek anggano. Omalik takhageluk hambot heinet wati'lek welagen mene andi, hendawimo hagaiyek anggaluk hane anggilukhogo ino,” iluk isikhemo lisu palogo fesukwa andi.

ULANGAN 10:18

At he, yenggerugwi suarek mene inom, hemi sogwe mene inom, afuni ekhe nen weak hilinginafi'lek higithogo hilinginabuagaluk it inebikhit agarek. Andi nen, ap pok mene nit ninom welagorek mene andi endawi mondok logolik, inamburu nunggu mene inom, inasu laberugu mene inom, wogisikherek.

1 SAMUEL 2:5

Attagat afuni inamburu oba heilarogo ninggi logolik, inalabut ninghogo ninggi lagaikha meneat he, yogondak sumburu legen helouwogeluk, inenggi onggo wogisoageluk hilingiri'lagwi o. Mene re, afuni attagat sumburu nele welagaikha meneat he, yogondak inamburu elok weregen inalabut ninghogo nili'lagwi o. He ekhe attak abili welaga mene yogondak eagwi inebe 7 nen taginafesik endawimo agaiyek hili'lago meneat he, at he ekhe eagwi inebe hokhorogot taginafe mene andi maben agasik werego,” iluk isikhesik,