MAZMUR 68:30 - Allah Wene Fano Wene Hupla Inane

³⁰ It ap raja-raja nen he Hat hobaget yi mene ti mene fugu mene omanogo re, Hat Hawi wuri'mo o Yerusalem waluk we'luk wokhesi wagaikharek.

MAZMUR 68:30 ပူးပေါင်းရင်းမြစ်များ

2 TAWARIKH 9:14

Andoma re it ap yi mene ti mene onggo palhik hunitik ugu inaben inom, nen it inangge hokhorogo fisogo logolik onggo palhi lagaukwa inaben inom, pajak inanggweang onggo wogeti lagaukwa meneet wenagaisogo re fuk. It ap raja o Arab oba welagaukwa mene inom, nen it ap gubernur Israel oba welagaukwa mene inomen emas inom perak inom wogeti lagaukwa.

2 TAWARIKH 9:24

It omanogo waga logolik he at Salomo obaget hadiah wogosugun mene iluk he inebe lombogen waluk wogosi waga lagaukwa.

AYUB 40:21

At Behemot andi engga alok werek mene a'ma wengik welagik, fesi louk-lakse'ma yobin wilibi'mo andoma hinago welagik, ikherek.

MAZMUR 120:7

An nen it inoba fanorogo welagaikharek mene faget yagaisikhi lagi oba nen he iren weim awene nek inendawirogo welagaikharek.

MAZMUR 18:44

It afuni hat hane sagalogo hilingiri'lagwi mene andoma inoba nen Haren fikhalogo nobagakhi lagen. A'nogo nobagaluk it afuni inunggulenu amu mene, an nen ogo nonggot mene andoma, an namingmingengge were'ma, an it inobaget nenu werek logouwageluk hilingnobagakhi lagen.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 72:10

It ap raja-raja o Darsis oba werek mene nen inom, nen it i alonggen kwe werek mene nen inom at obaget yi mene ti mene wogosuogeluk waluk waga logogun. Nen raja o Arab mene inom Etiopia mene inomen ogore at obaget waluk we'luk fei waga logogunat.

MAZMUR 89:10

I laut yenggele'ma esinggen fonyalik lenggalik wagarekwe andoma re Harenek welagen, ha'labu inailo mene wasi wagarek mene andoma re Harenat abolok leget fikhi lagen.

YESAYA 34:7

Afuni hobuk inoasigin mene re no lembu eil polok mene inom, sapi ket kotorek mene inom hak hilingik. It inawi silikwe andoma re inamep inom inasei inomen hopo igin.

YEREMIA 50:11

Tuhan nen ikhi logolik, ”Yago hit Babel hinap yi re, hit he An nagainafuri mene telogo woginabuogeluk hilingitep. Hit he wam kuda nen ane kweti logolik agaiyegen hukhogo lagagik pigik hilingiterek hak, nen wam sapi engga tekhigik nilik laga logolik hilingiterek hak hilingiti lagep.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

ZAKHARIA 8:22

A'nogo yagaisugunem he, afuni hokhorogo inom it ekhe inunggulenu inomame werek mene inebe hokhorogoat inom o Yerusalem wesimbik, An Tuhan Nomame Mondok Hokho mene a'nogo fogetnafik, An nen fanorinabuageluk kino yaganetik, i waga logogun.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

YAKOBUS 4:1

Hiren wene palhik, yei yafik, ikhi lagep andi, ero kiba nen hilingiti lagep nogo? Weim inambotma hou wulibuogeluk, weim abok, ”Yiba lano, tiba lano,” iluk inebe inoatarek andi hak, hinendawimo nen naluk, ”Yi namolo, ti namolo,” anggikhi lagep andi nenat hilingiti lagep anggigi.