MAZMUR 68:18 - Allah Wene Fano Wene Hupla Inane

¹⁸ At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

MAZMUR 68:18 ပူးပေါင်းရင်းမြစ်များ

2 TAWARIKH 6:18

Oba nen he, neisena Allah, Hat he afuni inanggele'ma kweangma yoma higit logou hak nogo a? Pogot abirengge mene ogore Hat logou oba obalik higitsek lek, nen o kabogetuba iluk an nen wuti mene yi re mondogat ebenagaik!

MAZMUR 110:1

Neisena Tuhan nen he an noe Enupogot yagati logolik, ”Afuni hat haselei mene heisogen alperelogo fisanogen he, An nen oan hawe a'ma fisa wagi'lek werek kwelek, An nera'lu nenggi ebekwe ya hurek logoino,” iluk yagatikhe.

MAZMUR 24:3

Tuhan andom oba andi re it sani higiren lagaluk, At awi hore'ma andi elok kugun nogo?

MAZMUR 47:5

Nit Yakub en tagongge mene re, Aren nit ninebe endawit ninafesik, nit ninanggweang eise a'luk logouwagaluk he, wenagaisogo wo'nisasikhemo ninalonghogo welagorek andi o.

MAZMUR 7:7

Tuhan neisena, Hat ha'mageba siakhogo menlasimbik, an naselei mene ina'mage lagaluk weri'lagwi mene andi hinom yabini o. Neisena Hat he katokhogo hilingitarek mene andi nek hilingisilep iluk anggikhi lagenma re, Hebe menla'luk lebetnabime o.

MAZMUR 78:60

Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YEHEZKIEL 48:35

Leget pa'leget andoma mondogat uanhogo re sembilan kilometer en. Yogondak yi huli nen enggere kota andi enu ikhi logolik he, ”Tuhan ANDOMA WEREK!” iluk agarek.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

MATIUS 9:13

Allah ane ekhe mel isikhe: An Allah nendawimo re, afuni nen inanggo wa'netarek andi nabiro. We, it afuni ekhe hinendawirogo logogun andiat namolo. Iluk isikhe wene andi furogoat futfei lani o. An wagagi andi re, afuni inobabut fano hilingitarek mene inayonggo feigeluk wagagi fuk. Lego. We, afuni inobabut weak hilingitarek mene andi inayonggo feigeluk wagagi o,” iluk yagaisasikhe.

MARKUS 16:9

[At Yesus ebe hari Minggu ba menlagaikhe andi sambul ohealek hup siakhogo re, menlagaikhesik, at he Maria aiba o Magdalena mene munggwarengge inobabut weak mene inebe 7 nen endawimo kwisukwasik were'ma fageat henegeisogo wulakfisasikhe mene a'nogo nen tak, ”Attak eilenggen neoagen,” iluk elokhoma menlagaikhe.

LUKAS 24:47

Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

LUKAS 24:49

Nen, an neisena nen hit wokhisagain, iluk abok yagahisasikhe a'nogo, ogo. An nenat hinoba pelakhisa wesigin o. Mene re, Allah omame pogoroba nen hinoba oan louk i wagi'lek werek kwelek ya re, hinebe o sili yomaat logoino o,” iluk wene warisasikhe.

LUKAS 24:51

A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

YOHANES 16:7

An nen wene ebe fakhogo yagahisago. An lagain lek logoilepma re, hit lebethisikhi logogin mene andi hinoba we'lep lek meneat he, an lagain andi nen nobali'mo at andi hinoba lakfei wesigin o. Halok he an lagain andi nen, hit faget fano mondok asigin, iluk eberogoat yagahisigi o.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 2:4

Ineilenggen a'nogo hugu kwelek, Allah Areagun it inebe mondogat inendawimo peterogo kwisikhe. Kwisikhesik he, Allah Areagun nen, ”At andi ane yi'nogo ikhi logouwak,” iluk anggasikhe higithogoat, it afuni ekhe inaneba uageluk yagaisugu kwelek elalinat ikhi lagaukwa andi.

KISAH PARA RASUL 9:17

A'nogo yagatikhemo, at Ananias a'nogo lagaikhesik he, oloba kwisikhesik, enggi Saulus oba fakhikhi logolik he, mel yagatikhe: ”Saulus, nagailak. Tuhan Yesus, hat o yoma wesigeluk kweba wagunem, helokhoma menlagama, heilenggen hegen mene a'naga nen, hat heilenggen fenggen lagik, Allah Areagun hendawimo peterogo kwi wagik, uageluk laknobagai wagama wagi o,”

ROMA 5:8

A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

KOLOSE 2:3

Allah endawimo wenggelek logolik, yi wene ti wene mondok elu mene andi re, at endawimo hinago welagaikhe meneat he, Kristus alegaren fakhogo yaganisikherek.

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 4:14

Nit ninoe kain Allah eisewerek Allah amlogo Yesus pogot pelakha wagik, pogot abel ponggwe Allah were'ma lagasikhesik nit faget werek andi nen he, nit ninendawinggen at oba himbiret fuluk ninane fakhogo ikhi lago mene andi, ninenggi ninghogo fisogo logouwogo.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

IBRANI 8:1

Nit wene ikhi lago andi esin he yi o, nit ninoe kain Allah eisewerek ogo andi higit werek. At ebe re, nineisena Enupogot Allah welagarek oba era'lu kainat werek.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.

HAKIM–HAKIM 5:12

Wesimbik he Debora hebe menlame o, menlasimbik wuni ero wulabin. Hat Barak Abinoam amlogo yi, hebe siakhogo menlasimbik he, haselei mene inenggi hele warogo woginarek lan, ili'lago.