MAZMUR 66:9 - Allah Wene Fano Wene Hupla Inane

⁹ Nit ninebe nineluk mondok logouwageluk he Aren kagalninarek werek, Nineisok peikhogo waroageluk oboget nisikherek lek.

MAZMUR 66:9 ပူးပေါင်းရင်းမြစ်များ

MAZMUR 112:6

Ap fano hilingitarek mene re iren yi'nogo ti'nogo hilingitunem ambisangma ekhe tagan ikhi logogin lek, hundik-handik andoma ap a'nogo oba eberek mondok welagaikharek.

MAZMUR 121:3

Aren he hat hebe waranogoluk herakhobagagi'lek, setharek mondok werek. Hat hebe waroageluk Aren oboget hiikherek lek.

MAZMUR 125:3

Afuni higithogo hilingiri'lagwi mene inanggweang oba andoma re, it kwanirogo hilingiri'lagwi mene inobabut waganogo hilingisinogoluk he andoma it mene ekhe inenuwerek logogun mondok lek.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:6

We At Allah ninom hundik were'ma an nebe nendawinggen hambukhogo welagirego, At oba nenat nagap telek werego.

MAZMUR 94:18

An nendawimo nen wenggelhi logolik he, an nebe warogo taik igin higi, iluk ebetunemen he, Hat Tuhan nen hendawi hundik hilingnafi lagen mene a'nogoba an nebe nomareogo mendek logouwageluk hilingnobagakhi lagen o.

KISAH PARA RASUL 17:28

It ekhe nen a'nogoat iluk mel isukwa: At Allah omameba ebe ninom hundik nineluk logolik, kwe lagik, yi mene ti mene hilingitik, ugu mondok welago, iluk isukwa. A'nogoat wuni ap hit mene nen mel iluk felalhukwaat: Nit mondogat he, at againafuri welago, iluk isukwa andi.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

1 SAMUEL 25:29

Nen, ap ekhe nen neisena hebe hoasugun iluk mukhiugu halok he, neisena hat hebe At Tuhan Allah nen afuni nen inangge onggo hokho mene foukhogo fetaluk welagaikharek a'nogo hak hili waganogo fetharek logogin o. Oba nen he neisena haselei mene re At Tuhan nen yatma huk-hak isigik, it yei epayuk oba inoatarek mene nen yatma hugisigik ikhi logouwago.