MAZMUR 66:3 - Allah Wene Fano Wene Hupla Inane

³ Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

MAZMUR 66:3 ပူးပေါင်းရင်းမြစ်များ

MAZMUR 18:44

It afuni hat hane sagalogo hilingiri'lagwi mene andoma inoba nen Haren fikhalogo nobagakhi lagen. A'nogo nobagaluk it afuni inunggulenu amu mene, an nen ogo nonggot mene andoma, an namingmingengge were'ma, an it inobaget nenu werek logouwageluk hilingnobagakhi lagen.

MAZMUR 18:45

It afuni pok mene nen he an na'ma sebe agarek, nen, an nen yi'nogo hilingi'ni ti'nogo hilingi'ni iluk yagaisugunem he an nane hologo nek hilingiri'lagwiat.

MAZMUR 47:2

At Tuhan andi re ebe Lego Mondok logolik andungdang hokho agun werek. At ebe Raja mondok lego mene o kweangma mondogat he At awe a'ma nek welagorek hilingi'mo re,

MAZMUR 65:5

Nit Hat haiba logouwagaluk, wenagaisogo ninayonggo fesigin mene, Hat honggwarek hawi wuri'mo, Hebe welagen oba andoma, yi mene ti mene wogisugunem, inalabut ninghogo nenggarek hak, Haren fano mene wo'nisugunem, oba heilarogo logolik, ninendawimo ninagaiyek hikhi logogun o.

MAZMUR 68:30

It ap raja-raja nen he Hat hobaget yi mene ti mene fugu mene omanogo re, Hat Hawi wuri'mo o Yerusalem waluk we'luk wokhesi wagaikharek.

MAZMUR 76:12

Hiren hineisena Tuhan Allah ba hinawene waretigip mene a'nogo tibet feni. It afuni inunggulenu ekhe horok-horokwe werek mene omanogo nen yi mene ti mene Allah afuni nen inailori'lagwi mene a'nogo obaget fugu mene omanogo waluk wogosi we'ni.

MAZMUR 81:15

An nen weak-weakhogo it inaselei mene omanogo wolelenggenhogo fisigik, nen it inaweim mene omanogo mondogat inomame leget fisigik, hilinginabile o.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

YESAYA 2:19

O Tuhan ebe menlasimbik kweang yelandi kwelandirisagain sambul andi re Tuhan Aniniba nen inom At Omame mondok hokho mene a'nogoba nen inom inoba feinogoluk afuni andoma re oumokwe helep hokhondek mene a'makwe inom, kweang pogolema andoma inom hina'lasi kwimbik logogun. O andi asi wesigin sambul andi re kembu perak mene inom, emas mene inom iren hilingiraluk apne wanharek mene andoma re hesanggema linisamo paik inom, kundik inom, nogo i kwikhi logogun.

YESAYA 25:3

Inunggulenu ekhe mene-ekhe mene inomame werek mene omanogo nen he fogethafi logogun, kota-kota inunggulenu lombok inanini weak mene werekwe omanogo nen he inailothafi logogun.

YESAYA 40:26

Sa nen hesagalenggen poroma elalhikhe iluk he, heilenggen pogoroba liago logolik furati logoin o! Aren he ap tentara esa eratarek hakhogo halogo fisikherek, Aren hit hinebe abirengge re ti nen werek iluk elu welagaregat, Arenat it inenu lombok wolinaferek. At Tuhan Omame Mondok Hokho hilingi'mo re we misik iluk ogo ekhe longgo ikherek lek.

YESAYA 64:3

Niren a'nogo hilinglasigin iluk ekhe wenggelek le'ma nen Haren elalin inailo mene hilingiti logolik, Hebe pi wagunem helokhoma nen tom unggul mondogat abolok igik ikherek andi.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.