MAZMUR 66:18 - Allah Wene Fano Wene Hupla Inane

¹⁸ An nen weak hilingitarek awene nek nagaiyek haluk nendawimo wenggelhi logoilema nen he, ibi-eberogo nen At Tuhan nen esanggo holilep lego.

MAZMUR 66:18 ပူးပေါင်းရင်းမြစ်များ

AYUB 35:13

At Omame Lego werek mene a'nogo eilenggen isigi'lek, esanggo holhi'lek werek kwelek he, iren inane omameba kweri'lagwi mene andoma re we alomarogo kwetu werek.

AYUB 36:21

Hat hoba ou hikhi lagen andi re haren weak hilingiten mene ari herak fouwageluk hilingitemo re, haren helokhe hebekhogo afuni wene sagalfuluk hilingitarek mene inoba lagen hanogo re hafe hebelogo hilingi'no.

AMSAL 15:29

Tuhan he ap fano hilingitarek mene nen samban ugunem enek he ane esanggo holherek, oba nen ap weak hilingitarek mene inane re Aren esanggo holherek lek.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

AMSAL 28:9

Sa nen Allah awene melalek a'nogo higithogo hilingiti logogin lek halok, Allah nen ogo aren samban ikhi logogin mene andire hebak aferek logogin.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YOHANES 9:31

Afuni weak hilingitarek mene Allah nen inane esanggo holherek mondok lek andi, nit ninelu o. We, afuni inailorogo logolik, at endawimo anggikherek mene higithogo hilingiterek mene halok, Allah nen inane esanggo holherego.

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.