MAZMUR 65:6 - Allah Wene Fano Wene Hupla Inane

⁶ Ninane hesanggo holuk, ninomame asuageluk, elalin mene hilingisogo, ninebe telninafendek andi. Afuni inunggulenu lombok, i laut yenggelek esanggo-esanggo mondogat hoba fanggoksek logolik werek.

MAZMUR 65:6 ပူးပေါင်းရင်းမြစ်များ

MAZMUR 119:90

Haren tiphogo nek hilingiti lagen mene a'nogo agam eti'lek yogondak huli nen hobuk huli andoma logogin, Harenat kweang talfesigin mene andi re abolok lek werek andi.

MAZMUR 24:2

Aren kweang elalhi logolik, i laut uan yenggele'ma, tik ninghogo warogo fesikhemo werek.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 51:9

Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.

YESAYA 63:1

Ap ekhe kagalek welagaikhe mene ane re yi'nogo isikhe ”Ap ekhe asu eil mep mene laberogore, ebene asungge lik loukhogo liagaisogo oba mondok along palonghogo o Edom fikhiren o Bosra wesigiluk weri'logo andi re sa nogo?” iluk heinok ugunem he, Tuhan nen onggo ikhi logolik, ”An he hineisena Tuhan, hinebe telhinabigin mene a'nogo nen, Wene fano wene waluk wagi o,” iluk ikhe. A'nogo ugunem hobuk ap kagalek welagaikhe mene a'nogo nen heinok wokhikhi logolik,

MIKHA 6:2

Hit tom inom kweang huli werek mene inom, Tuhan nen wene hinoba hikhibet hisageluk ili'lago mene andi holini o. Allah nen he againafuri Israel mene unggum inoba fagain iluk hilingiri'lago andi.

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

1 SAMUEL 2:4

Ap kain mene inasikhe obakhe lilibuk ugu kwelek oba nen he, afuni inomame lek mene inomame ekhe inom ari'lago.