MAZMUR 65:11 - Allah Wene Fano Wene Hupla Inane

¹¹ Yabu ebe waganekwe omanogore, Haren i anggwe halogo lakfei lagalagen. kweang tamuli'lek haro omanogo bene re, Haren meiso lakfei wagunem yi mene ti mene yabukwe yago mene omanogo fanorogo wulibuageluk lebeleget figik, Yi mene ti mene yago mene mondogat Harenat fanotfigik ikhi lagen.

MAZMUR 65:11 ပူးပေါင်းရင်းမြစ်များ

MAZMUR 103:4

An nebe endawi hundigen, endawitnaferek, nebe wa'lasuhak were'ma, telnaferek.

MAZMUR 5:12

It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

MAZMUR 36:8

Neisena Allah, Haren hendawi hundik hilingninafi lagen mene andi re onggo mondok hokho mene hangge hilingi'mo re, afuni nen Hat hogolabi a'ma hina'lasi kugunem he inagap telek werek.

HAGAI 2:19

We gandum enggen werek mene ogore mondogat lek, nen anggur inom ara inom, e delima inom e zaitun inom ogore, enggen oan iti'legat werek. Oba nen o yogondak yiba nen he An nen hit fanoabet hinobagakhi logogin o,” iluk yagaisasikhe.

AMSAL 14:18

Ap yi'nogo ti'nogo hilingisu inonggot mene andi re hobuk kembu asugun, ap hebelek mene re ekhe inomat inelu aga logogun.

MALEAKHI 3:10

Nunggu mene sik-pikhogo logouwageluk he, hiren nomolo mene andi mondogat waluk An Naiba fei waga logoni o. An nobabut palniikhi logoni, An nen pogoroba kwe hut fuluk yi mene ti mene mondok fano mene hit hinobaget pulel-pulel pugu kwelek hilingisogo hinobagagunem hiren neogoin aro.

YOEL 2:14

Hineisena Tuhan Allah nen he, wene hinoba feigeluk endawimo ebete mene andi sebelogo fuluk, hobuk endawimo hunogoat mene ebesimbik, hokhorogo fanothinabigin logou hago. A'nogo fanothinafe halok, hiren anggur inom, gandum inom, hineisena Tuhan Allah faget elok fisikhi logogun aro.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

MAZMUR 104:3

nen Hat hawi re o pogoroba andoma, i amboloba ambe palhigik wurogo fesigin. Kereta ba lagaikharek andi hak, Hat hanggwe nikhi logogin kwere, ohena elalogo fesigin. Sue ogolabiba tarogo lagarek hak, hogolabi sogoi oba tarogo nikhi lagen.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

AYUB 36:28

Ohena hikse'ma omanogo nen Aren meiso afuni inoba kweisalogo pelabi wagarek.

ULANGAN 11:12

At hineisena Tuhan Allah nen o andoma halhik, kagalek welagik ugu werek kwelek enek yi tahun ti tahun logogin.

AYUB 5:10

Aren enek meiso kweangma pelabi wagunem, yabukwe inom, o leikwe inom sakhorarik lagarek.

MAZMUR 68:10

Haren meiso hokho pokhorogo pelabi wagaginmo re, Hat honggwarek hanggweang mondok iringik weak mene omanogo meiso nen sakhot fesikhemo hobuk obali'mo agaikhe.

MAZMUR 104:13

Hat hebe pogoroba nen meiso tom ebene pelabi wagendek. A'nogo pelabi wagunem, kweangma yi mene ti mene mondok sik-pikhogo fanot fikhi lagen.