MAZMUR 65:10 - Allah Wene Fano Wene Hupla Inane

¹⁰ Kweang andi Haren fisogo logolik, oba sakhorasuageluk meiso pelabi wagendek. A'nogo pelabi wagunem he, kweang oba sakhot fugunem he, yi mene ti mene yago mene, enggen oba heilarogo iterek. I elesi mondogat he, neisena Allah harenat hilingisogo fegendek. We a'nogoat neisena Haren foukhogo fisikhi lagen.

MAZMUR 65:10 ပူးပေါင်းရင်းမြစ်များ

AYUB 37:13

At Allah nen he kweang amusurogo iluk meiso pelak fei wagik; athe it afuni unggum inoba figik, ikhi logouwageluk hilingite. Ekhere it afuni nen anggikhi logolik At Allah nen endawi hundik hilinginafe andi re mondok-mondok faget iluk inelu asuageluk weinamet fikhe.

MAZMUR 104:13

Hat hebe pogoroba nen meiso tom ebene pelabi wagendek. A'nogo pelabi wagunem, kweangma yi mene ti mene mondok sik-pikhogo fanot fikhi lagen.

MAZMUR 147:8

Arenat ohena oba pogot salogo figik, kweang faget meiso fougetik, tom-tom mondogat engga wulibuageluk hilingisogo figik, ikherek.

MAZMUR 68:10

Haren meiso hokho pokhorogo pelabi wagaginmo re, Hat honggwarek hanggweang mondok iringik weak mene omanogo meiso nen sakhot fesikhemo hobuk obali'mo agaikhe.

IMAMAT 26:4

An nen hari higithogo meiso pelakhisa wagunem hinanggweang oba nen hokhorogo fulelhik, hit hinagayo enggen itik ikhi logogin.

ULANGAN 32:2

An nen yagahisagain mene, meiso hangge pi wesuak, nane igin mene andi lilengge hangge yenggelasuak, meiso henanggikil hangge, engga helenggaba pi wagarek hak, andi hangge hilinglasuak, Meiso kweangma yi mene ti mene, yagokwe yenggelherek hak, andi hak hilinglasuak.