MAZMUR 64:9 - Allah Wene Fano Wene Hupla Inane

⁹ It inonggwarek inane agarek oba inebe legarik lagaikharek, a'nogo hilingitunem it ekhe ineilenggen kwelaginarek logolik he inunggul kwanit hagarek.

MAZMUR 64:9 ပူးပေါင်းရင်းမြစ်များ

MAZMUR 119:20

Hat hawene melalek andi linggene hundik-handik kumuthugu mene faget he, an noba liongorogo nendawimo mondok fulung hugunem welagi.

MAZMUR 140:10

It an naselei mene inomame asuageluk herakfisa fuk, iren inane weak meneba ikhi logolik an nenu weagerogo fili'lagwi mene andoma it inonggwarek inoba aga logouwak.

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 53:5

At Tuhan nen ikhi logolik he, ”Afuni weak enek hilingiri lagwi andoma re inobabut hebeli'lagwi lega? Iren An nagainafuri inangge teligik, An noba nayonggo figi'lek welagik, hilingiri'lagwi andoma ri!” iluk heinok wanherek.

MAZMUR 58:11

Ap weak mene unggum inoba fugunem he afuni higithogo nek hilingitarek mene re inagaiyek hagarek, nen afuni wene melalek sagalogo hilingitarek mene inamep oba re it andi ineisok sobalharek.

MAZMUR 59:13

It inambeba nen he weak mene nek agarek, athe ineranen wene nek ikhi logolik hururung inafunem he, iren foget fakhagarek mene andiba ke'nok ikhi logouwak.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

YEREMIA 50:28

(Afuni o Babel en heise o Yerusalem wagaikha mene nen he, nit nineisena Tuhan Allah a'nogo nen it Babel mene nen Tuhan Awi wurik a'nogoba hilingfesukwa mene a'nogo faget onggo hilingfikhe mene tindelha.)

YEREMIA 51:10

Tuhan againafuri nen ikhi logolik,” Nit he eberogo mene fikhit welagongge a'nogo re Tuhan nen inuk nisikhe andi. Enggere nit he o Yerusalem lambik he nit nineisena Tuhan Allah nen hilingite mene andoma tindeli louwogen he we'ni o,” ikhi lagaukwa.

YEHEZKIEL 14:23

Andi nen ekhe An nen hilingiti lagi mene andoma re ero weregen hilingiti lagi iluk helu asiginat. Iluk An Tuhan Lego Mondok welagirek mene a'nogo nen nane mondogat igi o,” iluk ikhe.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

WAHYU 11:13

O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.