MAZMUR 64:10 - Allah Wene Fano Wene Hupla Inane

¹⁰ A'nogo hilingitunem he afuni inailo nek agarek, iren he At Allah nen hilingiterek mene a'nogo faget ebetik, nen Aren hilingiterek mene omanogo fagetik, agarek.

MAZMUR 64:10 ပူးပေါင်းရင်းမြစ်များ

AYUB 22:19

It ap kwanirogo hilingiri'lagwi mene andi unggum helugunem he, it fano hilingiri'lagwi mene omanogo re inagaiyek oba endo yaginafi logolik werek.

MAZMUR 11:1

Afuni nen wuni wulak fuluk inebe seberogo ugunem melalinafu mene faget, at Daud awuni yi. An he Tuhan awea'ma kuluk welagimo re, afuni nen yaganeti logolik, ”Sue tom oba tarogo lagarek hak hat he hebe honggwaregen hagap telan o,” iluk yaganetarek mene andi re a'nogo yaganesumo re elo'lego.

MAZMUR 112:2

It andi inagainafuri re o kweang yoma mondogat sebelogo logogun, it afuni fanorogo hilingitarek mene inagainafuri re fanoabet fisikhi logogin.

MAZMUR 25:20

An he Hat hawea'ma fetnarek welagenma re, an nenggali asinogoluk kagalnarek logolik nagap telogo nobagakhi logoin o.

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 58:10

Alok-alok engge oan engga heiselogo wilifi logolik hokho agi'lek were'ma nen, sogoien engga iringik mene furogo waluk lagarek a'nogo higit asuak, it inebe oan fut fisigi'le'ma nen he inebe mondogat lek asuak.

MAZMUR 97:11

It afuni inendawimo eberogo anggili'lagwi mene inoba re selek meneba liarinafi logogin, nen it afuni higithogo hilingiri'lagwi mene inoba re inagaiyek mene hilingfikhi logogin.

GALATIA 6:14

Mene re, an yi mene ti mene faget fogerakhagain mondok nabiro. We, ninoe Enupogot Yesus Kristus eba menfuluk watukwa mene a'nogo faget enek fogerakhamo elok. At ebe watukwa andi nen, afuni kweangma inobabut inetogat logolik hilingitarek mene andi arat mabenetfisasikhe anggigi. Halok he, afuni wa'la'luk, yi mene ti mene hilingisugun oba inonggot agarek hak, afuni inobabut inetogat logolik hilingitarek mene a'nogo inonggoret fisasigi andi.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.