MAZMUR 62:9 - Allah Wene Fano Wene Hupla Inane

⁹ Yago, hit an nunggulenu mene yoma sani, linggene hundik-hundik At Allah andiba nek hinendawinggen eberek logoni o, Nit ninebe At awea'ma kuluk oba himbirik welagoma re, hit hinendawimo anggikhi lagep mene andoma At a'ma pulelogo liak fikhi logoni o.

MAZMUR 62:9 ပူးပေါင်းရင်းမြစ်များ

2 SAMUEL 15:31

A'nogo lagakhi logolik, afuni nen he, Daud mel yagatukwa: ”Ahitofel ogo re, Absalom en, Daud nabit, noe Absalom aro, iluk uagaluk endawimo kagalhemo aro,” iluk yagatukwama, at Daud en he, samban mel isikhe: ”Neisena Allah. At Ahitofel en wene komorinafi logogin mene andi, ekhe ebe aga logoinogoluk hilingfikhi logoino o, neisena,” iluk yagatikhe.

2 SAMUEL 15:6

At Absalom en afuni Israel mene inebe lombok inawene werek mene raja nen pilingisogo legetfouwagaluk wagunem a'nogo hilingiti lagaikhe andi nen, it afuni Israel mene inendawinggen wanhi lagaikhe andi.

2 RAJA-RAJA 19:14

A'nogo yagatikhemo, lisu palek a'nogo waluk wagaukwasik Hizkia wogetukwama wanhikhesik he, enu salhikhe. A'nogo salhikhesik, Tuhan awi wuri'mo lagaikhesik, lisu palek a'nogo Tuhan eilhanem aremnogo fikhalogo fesikhe.

MAZMUR 118:9

Afuni inenu werek mene inoba ninendawinggen tibet fuluk welagaikharek andi re, elo'lek meneat he, Allah awe a'ma sebe uluk welagaikharek andi nek he mondok fano.

MAZMUR 142:3

At elokhoma nen he neneik yabati lagi, an nen enggin-fenggin hikhi lagi mene omanogo mondogat At oba yagati lagi.

MAZMUR 39:11

Haren yei warek oba an mondok wa'lasu hak hilingiti lagarik he unggum an noba fesigin mene andi Haren korogo leget fein o.

MAZMUR 39:5

”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

MAZMUR 46:2

At Allah andi re, nit ninebe At awe a'ma ninobagaluk, fetninarek mondok logolik omame wo'nisikherek. Yi enggin ti enggin hugu were'ma, Aren higithogonek lebetnisikherek.

MAZMUR 71:7

An kagalnarek werek mene re Hat homame a'ma fetnarek welagenma re, an neluk logolik it afuni hokhorogo nen an nobabut walhigik hilingisuageluk welagi.

YESAYA 26:4

Hineisena Tuhan Allah andi re At awea'ma ninobagaluk fetninarek mondok werek enggere, At oba nek hinendawinggen eberogo anggikhi logoni.

YESAYA 40:15

At Tuhan elokhoma yi afuni ti afuni welagaikharek mene andi re iwak oba i amusu we misigam tephogo pikherek andi hak werek. Athe wul tem misik ilirenggeba walhugunem hak hilingik werek, i alonggen-alonggen andoma enggin he se fulungfalangse'ma re we wul age mun magengge andi emberek higit.

YESAYA 40:17

Yi afuni ti afuni mondogat he Aren esin hangge anggikherek lek, At elokhoma re it he we elo'lek hangge anggikherek.

DANIEL 5:27

Nen, enggin walhigik iluk palek andi re, noe haren hilingiti lagen mene faget wil-wal hikhe mene re haren hilingiti lagen mene andoma re mondok elo'lekhogo nek were'ma hikhe.

MATIUS 21:9

A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.

YOHANES 19:15

iren inane ninghogo paksilak ikhi logolik he, ”Ebe wa'no! Wa'no! Eba menfembik wa'no o!” isukwama, at Pilatus nen he, mel yagaisasikhe: ”An nen hit hinoe Enupogot yi eba menfembik wasuak anggikhi lagep?” iluk yagaisasikhemo, it ap Allah eisewerek inogogwi kaindegen he, mel yagatukwa: ”Nit ninoe enupogot ekhe lek. We, Kaisar alegaro,” iluk yagatukwama,

ROMA 3:4

Mondok lego. Afuni inebe lombok inane ineranen kagalogo ugu halok he, Allah ane eberogoat enek ikherek, iluk wene lisu palogo fikhi logolik he, mel isukwa: ”Hat Allah hane eberogoat enek ugunem eberogoat enek hilinglagarek. Afuni nen mabenet hobagauwogeluk ugunem he, hat he, maben agik lek. Homame nek agendego,” iluk lisu palogo fesukwa andi.

1 SAMUEL 1:15

A'nogo yagatikhe meneat he, at Hana nen mel yagatikhe, ”Neisena. An anggur amusu ninggi'legat. Nen, lugulugwi paluogeluk nenggarek mene ekhe ninggi'legaro. We, an nendawimo mondok weak logolik, nendawinggen warikhi lagi mene andi mondogat pilingisogo nineisena Tuhan yagati lagi o, neisena.

1 SAMUEL 18:5

A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.

1 SAMUEL 18:7

A'nogo wati logolik yi'nogo isukwa: At Saul en ninaselei mene beribu-ribu nek inoate, oba nen he, at Daud en enek he, perpuluh-puluh ribu nen inoate,” iluk ilik wulibi waga lagaukwa.