MAZMUR 62:4 - Allah Wene Fano Wene Hupla Inane

⁴ Ap misik ekhe o hobat molulukhogo asi lagarek andi higit hilingik kwelek, nen leget mondok helelarogo lagarek andi higit hilinglagu kwelek, hit hinebe mondogen he o ki sambul at ebe wasugun iluk nenangot hikhi logogun nogo?

MAZMUR 62:4 ပူးပေါင်းရင်းမြစ်များ

MAZMUR 119:163

Ineranhogo wene lalinafarek mene andoma mondogat he an nen nabit isigirek, oba nen he Hat hawene melalek enek he nendawirogo hilingiti lagi.

MAZMUR 28:3

An he it afuni wene sagalfuluk hilingiri'lagwi mene andi inom, nen it ap weak hilingiri'lagwi mene andi inom seberogo ninoasu fugo, it inendawimo re mondok filirek logoligen inamelinggen oba nen he inane liokhogo ili'lagwi.

MAZMUR 5:9

Tuhan neisena, afuni an naselei mene re mondok hokho pokhorogo hilingi'mo re. An nen Hat hendawimo anggikhi lagen mene nek hilingiti logouwageluk melalnobagagik, nen kwe yiba lan iluk yaganetik, ikhi logoino o, neisena.

MAZMUR 51:6

Hat hane sagalogo weak hilingiti o, Hane sagalogo figirik Hat helokhoma weak hilingiti o. Hat hendawimo weak anggikhi lagen meneat, heilhanem weak hilingitimo aro. Haren wene noba fegen andi re, fou higit obaat noba fegen o.

MAZMUR 52:3

Hit afuni kaindek hinap yi sani, hiren ap Allah nen endawi hundik hilinginaferek mene inoba weagerinafi lagep andoma faget, foget fakhikhi lagep andi re nenahalok nogo?

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

AMSAL 13:5

It afuni ekhe inobabut higithogo hilingitarek mene andi re, it ekhe ineranen wene lalinafarek mene andi inabit welagaikharek. Nen, it ekhe inobabut mondok weak mene andi re, inenggali asu mene hilingitik, inonggwarek inenu weagerogo fakhigik agarek andi.

YESAYA 30:13

Andiba re hiren weak mondok hilingiti lagep andi. Hit he o leget esiale uanhogo liabe'ma po'lima nen halet erik a'ma fikhit pikherek hakhogo hilingik welagep. Hit he ferekhogo aremnogoat wolelenggenhogo hinoasigin.

HOSEA 7:3

Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.

MATIUS 2:16

At kain Herodes a'nogo nen it ap wene warisasikhe mene a'nogo,” Wesugun a? Lega,” iluk, yerinarek welagaikhe-welagaikhe re, inebe legaren he, ”Lalnafama higi,” iluk a'mage hokhorogo lagasikhe. A'mage hokhorogo lagasikhesik he, omalik ket tago mene o Betlehem andoma mene inom, o era'lukwe andoma mene inom, huli ap hesagal ineilenggen nen waluk wagaikhasik, yi huliba nen hogo, iluk senggerogo yaganeta huli nen, umur 2 tahun mene inom, hobuk ta'larik wagaikha mene inom, ap halok mondogat inoa'no,” iluk, agoromi lakfisasikhe.

MATIUS 22:15

Hobuk he, it ap Farisi mene nen, ”Nit Yesus eil warogo wene oba heinok wanhunem ane igin oba enggin oba fembik wene oba fouwok,” iluk abok palhi lagaukwa.

MATIUS 22:23

It omanogo arat lagaukwama nen, o andi sambulat, it ap Saduki mene nen, ”Afuni wa'la'luk ineluk asugun mondok lek,” iluk agarek mene ekhe Yesus oba wagaukwasik he, mel yagatukwa:

MATIUS 27:1

A'nogo hilingitukwasik were'ma, o arat wei isikhemo ohealekwe it ap Allah eisewerek mene inogogwi kaindek mene omanogo inom, inaluendek omanogo inom, mondogaren he, Yesus wasuogeluk weim abok isukwasik he,

LUKAS 11:39

A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago!

LUKAS 20:20

Kamo isukwasik hobuk, aren ane igin oba ebe enggin oba fouwogeluk, at gubernur afuni ferinarek logolik wene inoba figik, kotik, ikherek mene eisewerek mene nen wene oba fouwageluk, ap ekhe inobabut fano hangge Yesus ineil wani loageluk lakfisa wagaukwa.

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.