MAZMUR 61:4 - Allah Wene Fano Wene Hupla Inane

⁴ An nebe nalong palogo fetnarek welagen mene re Hat hebeat welagen, nen it naselei mene nen noasuogeluk hilingitunem nendawi hambugengge re Harat welagen.

MAZMUR 61:4 ပူးပေါင်းရင်းမြစ်များ

MAZMUR 15:1

Tuhan neisena, Hat hawi su mene wuri'mo andoma sani elok ku hak nogo, Hat honggwarek Handom Horek meneba andoma, sani elok logou hak nogo?

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 23:6

Hat hobabut he an nebe hendawi hundik logolik, fetnarek mondok welagen mene andi re an nelu o. A'nogo hilingnafi lagen andi nen he, an nebe neluk logolik oba re Hat haiba andoma nabolok lek mondok-mondok logogin o, iluk wuni watikhe.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 61:7

At raja ebe umur uanhogo were'ma, at ebe eluk mondok-mondok logogin.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 63:7

Haren lebetniikhi lagen andi nen, o hup inukhogo re an nebe nogo igirek oba wengik logolik, menenei ebethikhi logolik he, hoba ebetu mondok welagirego. Hat hogolabi a'ma logolik nendawimo haien he hawuni watu welagirek.

MAZMUR 90:1

At Allah amingmingengge Musa a'nogo nen samban isikhe mene. ”Allah neisena, Nit afuni endamaren ta'larik waga logolik, hobuk ta'lasugun huli andoma faget nit ninebe hawea'ma kuluk werek oba re Hat hebeat welagen o.

MAZMUR 91:1

It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,

MAZMUR 91:4

Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

MAZMUR 92:13

Afuni inobabut higithogo nek hilingitarek mene and re e kurma asimit lagaikherek higit welagik, nen e sin o Libanon nen mondok muli-muli wiliferek andi higit welagik, ikhi logogun.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,

RUT 2:12

Hat nit afuni Israel mene nineisena Tuhan Allah nen awe a'ma fetharek logouwagaluk wagen andi nen, Aren he, haren yi mene ti mene faget fano hilingiti lagen mene andi mondogat onggo wokhesigin mene andi helagain higit obaat wokhesuago,” iluk yagatikhe.