MAZMUR 60:6 - Allah Wene Fano Wene Hupla Inane

⁶ It afuni Hat hawene futfuluk hilingitarek mene omanogo re, wene inoba asinogoluk it inelurogo logouwageluk, Haren eberisikhi lagen.

MAZMUR 60:6 ပူးပေါင်းရင်းမြစ်များ

KEJADIAN 12:6

Abram o Kanaan esanggokwe eilenggen hilik-hilik wagaikhesik he wesa aple hilingiti lagaukwaba o Sikhem en he o More e wesagayo eroma asi wagaikhe. (Nen, andem oba re afuni o Kanaan inap kweang andiba andoma welagaukwa).

2 SAMUEL 3:18

Yogo, yogondak he, fanorogo wenggel hano, Tuhan at Daud oba abok wene wareti logolik he, ’An nen Daud oba nen afuni Israel mene, afuni Filistin mene inenggimo nen inom, nen it aselei mene amu mene inenggimo nen inom inagap telinabigin o ikhe,’ aringni'more, yogondak hit faget iaple aga andi,” iluk yagaisasikhe.

MAZMUR 119:162

Aben inangge yi mene ti mene helagarek higit, Haren wene watnisasigin mene andi nen an mondogat nagaiyek mene hilingnobagali'lago.

MAZMUR 132:11

Haren he, Daud yagati logolik, ”Hat hamlogo ap ekhe nen, hobali'mo ferinarek logouwagaluk, enupogot menfoumo logogin o. Hat hagainafuri yi'nogo hilinginabigin, iluk wene wathisasigi mene andi, An noba lomborogo logolik, yi'nogo hilingiti logoino, iluk, komorinafigi mene andi inom, nane hologo hilingiti logogun halok, iren tagomangge mene ap ekhe hat hobali'mo, inenupogot mondok menlarik laga logogun o. Nen wene watheti mene andi, nane oak wanigin lego,” iluk hombuk palogo wene waretigin andi.

MAZMUR 56:4

An nebe nailo agu sambul he, Hat hoba nendawinggen ebetfuluk welagi o.

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

MAZMUR 89:35

An nen he, wene waretigi mene andi ebe hilingiti'lek kamo igin lego. Nane oak wanigin legaro.

YEREMIA 23:9

An nen it nabi faget wene ikhi lagi mene re yi: An nen noak leigeti logolik nendawimo warikhi lagi o. Tuhan ebe inom At ane mondok horek mene andoma inomen he, an nebe ap anggur agai hinago hokhorogo naluk lugu lugwi palharek mene hakhogo a'luk welagi o.

AMOS 4:2

An hineisena Tuhan Lego Mondok welagirek mene andi re Tuhan horek mene, nen An nonggwarek nenu hombuk palogo wene yi'nogo wathisasigi: Hobuk hit hinebe heleba kelogo wokhinarek lagik, fena ekhe logogun mene mondogat he ikan hamborogo watarek mene mata kail hanggeba salukhogo wokhinarek lagik, ugun o.

YOSUA 1:6

An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

YOSUA 13:27

o Yordan Tonggoma andoma nen wilayah it inunggulenu Gad mene andi inobaget he o Bet-Haram inom, Bet-Nimra inom, Sukot inom Zafon inom. O andoma re at raja Sihon o Hesybon enu werek logolik sebelek welagaikheba andoma inom wogisasikhe. Wilayah it inunggulenu Gad mene andi inobaget o mo ubuk ikherek fikhit en i Yordan ima nen he liabek i yenggelek Danau Galilea eil ambolkwe utara fikhit andoma huli fesikhe.

YOSUA 17:7

It ununggulenu Manasye mene andi inaiba wilayah iren huli-huli re, o Asyer en erora'luk he o Mikhmetat o Sikhem en mo liabi wagarek fikhit omanogo huli. Andemen huli-huli pelabek he abel a'makwe selatan fikhit it ap inunggulenu En-Tapuah mene inawi hulimo andoma.

YOSUA 20:7

Andi isikhemo re o kweang i Yordan ima barat fikhit andoma re o kota inagap telagarek oba logogin mene iluk, it afuni Israel mene nen fouget fesukwa mene re yi: o Kades, o Galilea Naftali mene inandom oba omanogo inom, Sikhem it Efraim mene inandom oba omanogo inom, Hebron Yehuda mene inandom oba omanogo fesukwa.

YOSUA 24:1

At Yosua nen afuni Israel mene mondogat o Sikhem andogorogo fisasikhesik, inogogwi inaluendek inom, kaindek inom, ap wene inoba figik, kotik, agarek mene inom, ap tentara mene inogogwi kaindek inom, wesuagaluk yagaisasikhemo, Allah oba wagaukwa.

YOSUA 24:32

Nen, at Yusuf ebe warek it afuni Israel mene nen o Mesir en waluk wagaukwa a'nogo re, o enu Sikhem, kweang andi at Yusuf en ap enu Sikhem eisena enu Hemor andi, againafuri inoba uang perak 100 meneba onggo palhikheba andoma salhukwa. Kweang andi it afuni Yusuf en tagongge mene wogisasukwama eise agaukwa.