MAZMUR 60:2 - Allah Wene Fano Wene Hupla Inane

² Aren afuni o Aram-Mesopotamia mene inom, afuni Aram Zoba mene inom, inoba weim yabi lagaikhesik, at Yoab en he o Lembah Asin andoma nen afuni Edom mene inebe 12.000 nen inoa'luk wagaukwama wuni watukwa mene.

MAZMUR 60:2 ပူးပေါင်းရင်းမြစ်များ

2 SAMUEL 22:8

Nen At Allah a'mage lagunem he, kweang mondogat abologetik, leigetik ikherek. Tom-tom anduli liabek mene ma'lima talotik, leik waririm etik ikherek.

2 SAMUEL 8:1

Enggi miren hakhogo welagaikhesigen he, at Daud a'nogo nen ap Filistin inap a'nogo inoasi lagaikhe. Inoasi lagaikhesik aren it inomame leget fisasikhesik he it mene inanggweang omanogo at helasikhe.

1 TAWARIKH 18:12

Hun Abisai andi agaisa enu re Seruya andi nen he it Edom inap o Asin tonggokwe welagaukwa inap omanogo inebe 18.000 nen inomame legaphogo fisasikhesik inoatikhe.

1 TAWARIKH 18:3

Andi nen he at Daud en raja o Zoba mendek welagaikhe agun hun Hadadezer a'nogo o Siria wilayah Hamat oba andoma nen along lek hilingisogo fesikhe. Andi sambul he hun Hadadezer andi re o wilayah I Efrat elesi fikhit omanogo sebeli lagain iluk ebekhalem lagunemen a'nogo hilingitikhe andi.

1 TAWARIKH 18:5

A'nogo hilingitunem he it afuni Siria mene o Damsyik welagaukwa mene nen he at raja Hadadezer a'nogo lebethoageluk ap sikhe fisogo mene lakfisa wagaikhe, oba nen he at Daud en it inebe inomame leget fisasikhesik ap inebe 22.000 nen inoatikhe.

2 TAWARIKH 7:14

it An nagainafuri An nenu hombuk palogo agarek mene andoma inendawi sebel fakhigik, samban An noba yaganesi wagik, weak hilingiri'lagwi mene andoma herak figik ugun halok he, An nebe pogoroba nen iren yaganesugun mene andi nesanggo holhi logogin. Holfuluk he An nen it inaweak leget figik, it inaggweang oba nekhengge inangge yi mene ti mene mondogat sik-pikhogo hilingik fisigik, ikhi logogin.

AYUB 9:6

At Allah nen enek o lugul langet hugunem kweang abolok mondok ikherek, kweang ari a'ma tik warogo liabek were'ma legeisogo werek mene a'nogo mondok abolok ikherek.

MAZMUR 104:32

Hat heilenggen kweangma yetha wagunem he kweangma mondok leigeterek. Henggi tom unggul fakhugunem he, so'le wulibi wagarek.

MAZMUR 114:7

Hat kweang yi re, At Tuhan Yakub eisena Allah a'nogo nen, helep uk welagaikheba omanogo agaumhogo re i mogo yenggelfigik, nen helep tom eil silipnorek menere i elesi wulakfei wagik, isikhe mene a'nogo elokhoma andoma nen leik waririm esin o, iluk wuniba fogeratikhe.

MAZMUR 18:7

An nebe mondok nonghonghogo logolik neisena Tuhan oba nane yagati lagi, an lebetnabuageluk neisena Allah ba nane hum etunem he, At ebe awiloba omanogo nen an nane holnobagaluk he fut nobagali'lago.

MAZMUR 89:40

Haren he, yi'nogo hilinghabigin iluk, hamingmingengge wene waretigin mene a'nogo re, leget fisegen. at ebe enupogot logolik angge kware-kware puksek mene fesimo woukmirogo lakfisegen.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 30:26

Tugi re mo yaterek hakhogo selegerati logogin, nen mo re nisambul yaterek mene re we harek oba nen he andem sambul he inenggi wenagaisogo sabiroba mene misik seberogo hak selek mondok hokho mene hilingik logogin. Andi mondogat hilinglasigin andi re Tuhan nen At againafuri mene inoatikhe mene omanogo inoumo yelfisigik, fano hilinginafik, igin sambul andi hilinglasigin.

YESAYA 5:25

Tuhan a'mage At againafuri mene inoba fikhesik werek andi nen he, it inoba unggum feigeluk fik foukhogo werek. Tom-tom andoma mondogat yelandi-kwelandirisagain, it inebe warek he engga fili filingge ebekhe kwe hugisugunem werek andi hakhogo warek enek pipou ugun. Oba nen he Tuhan a'mage legasigin lek andi nen he unggum inoba fagain.

YESAYA 7:8

A'nogo andi re o Aram mene ibu kota re o Damsyik andi at logogin, nen o Damsyik andi mene inoe raja re Rezin menlasigin. Nen aren ferinarek logogin kwe andoma re ekhe inom higilha wulibigin lek. Inenggi we 65 tahun wela'luk he it Efraim mene ogo inebe lalfal isaluk weagerinabumo re, it inunggulenu andi mene ekhe werek ikhi logogun lego.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YEREMIA 14:17

Tuhan nen he an nendawimo heiselhi lagi mene a'nogo At againafuri inoba yagaisikhi logolik an nen yi'nogo yagaisoageluk ikhe, ”An nunggulenu mene omanogo inebene inoumo agambut asu lek hak mene silibuthugu mondok were'ma, it inoba ou-pou ugunem he, An he palfigi'lek li le agu mondok logogin, lingge hundik hup hundik neil amusu pugu mondok logouwak.

YEREMIA 30:17

Hit hinaselei mene nen ikhi logolik, ”Sion he hugusagama re afuni nen ekhe eberisogoin lego. Oba nen hit he An nen hinebe fanot hinobagagin, hit hinoumo andoma An nen obat oba fano hilinghinobagagin o,” ikhe.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

YEREMIA 48:38

An nen o Moab he iwak kweang mene inabiren halokhogo herakfisagarek hak hilingisogo figi andi nen he, O tum talekwe nen inom, kweang waganekwe nen inom he le nek agunem holi'lagwi.

RATAPAN 2:13

O Yerusalem, kota Sion nendawi hundik mene yi, hat hebe wolelenggenhogo hilinglagen mene andi re i laut yenggelek esanggo mondok wurilik welagarek andi hak agen o. Hat hendawimo konogo iluk An nen ninggi'nogo yagahesu hak anggegen? Hat enggin hikhi lagen ari hak mene enggin a'nogo haga mene ekhe werek le'ma, hat hilingik welagen mene andi eberogo nen he ap ekhe nen halogo hobagaumo re elo'lego.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

AMOS 8:8

A'nogo igi andi nen kweang abolok igik, afuni mondogat le hokhorogo agik, ugun o. O kweangma yi awi ti awi mondogat abolok ikhi logolik, i Nil laga logolik esinggen founalik lenggalik, lagarek andi hak hilingisigin o.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,