Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAZMUR 60:12 - Allah Wene Fano Wene Hupla Inane

12 Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

အခန်းကိုကြည့်ပါ။ ကော်ပီ




MAZMUR 60:12
15 ပူးပေါင်းရင်းမြစ်များ  

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.


Hebere hambuget hano! Nit he nit ninunggulenu mene faget inom, o Allah aiba kota-kota andoma faget inom weim yi yabugun enggere. We At Tuhan endawimo anggikhe mene nek hilingisuak,” iluk yagatikhe.


At Tuhan he hilingisu elo'lek mene hilingiterego, nen nineisena Tuhan nen omame wo'nisikhemo, nit ninomame ago,” iluk wuni watarek.


Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,


Oba nen he, yogondak he haren oboget nisegen, nit ninomame leget ninobagauwageluk herak ninobagegen. Nen Hat he nit weim yabuogeluk logalhunem a'nogo ninom laga lagen lek.


It Hat hagainafuri Yakub ambisangmangge meneba inalonget fisikhi lagen mene noe Raja neisena Allah re Hat hamu welagen.


It afuni An nagainafuri mene An inambot wo'ne'luk lagaikharek mene inom, na'mage kwelafarek mene inom andoma inoasuageluk An nen Asyur lakfei wesigin o. Nen, afuni An nunggulenu mene andoma inangge hugul heligik, hinakhigik, nen kweang age ebekhe kwe were'ma sebelisagarek hak, sebelisigik, hilingisuageluk An nen Asyur lakfei wesigin o,” ikhe.


Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.


Afuni Yehuda mene re, ap inomamerogo weim yafarek mene inaselei mene fesi ebe khalem sebelisagarek hakhogo sibil-sebelisambik, inomame asugun. It he, An Tuhan nen leberisugunem he, iren inomamerogo hilingiti logogun. Nen, iren inaselei mene esa wam kuda amboloba lagaluk lagaikharek mene omanogo mondogat inomame leget fisikhi logogun.” iluk ikhe.


O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.


An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.


Ariginik enggere, an ninom ap an ninom welagaukwa mene inomen wene hilinglagaikhe mene waluk lagagumo, Tuhan nen abok yaganetikhe mene o tomkwe omanogo an wo'nom o. A'nogo sambul he, hat ogo hesanggo tomok holhigin anggigi, o andoma re ap inoagese uan mene inunggulenu Enak inap werek ugunem holhiginat a'nogo. Athe inawi kota re leget haningisogo kwelabek ugunem hesanggo holhiginat a'nogo. Tuhan nen ikhe hakhogo an nen ap andoma mugusogo wulaginabuageluk lebetneagain logou hago.” iluk yagaikhe.


At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ