MAZMUR 60:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

MAZMUR 60:1 ပူးပေါင်းရင်းမြစ်များ

2 SAMUEL 10:16

Andi nen at raja Hadadezer o Zoba agun a'nogo nen he it afuni Siria inap o Efrat ima nen mo liabi wagarek fikhit werek mene andoma wesuakhogo hondoginabi lani, iluk miminginafikhemo wolinabi lagaukwama re, it a'nogo inoe Sobakh at raja Hadadezer en agoromi sikhe fisogo mene omanogo inoe panglima o Zoba mene a'nogo nen woginarek he o Helam wagaukwa.

2 SAMUEL 5:20

A'nogo yagatikhemo, at Daud o Baal-Perasim lagaikhesik, ap Filistin mene omanogo mabenet fisasikhesik inoa'luk wagaikhesik he, Tuhan mel yagatikhe: ”Haren an naselei mene, i yagarek mene houwakhogo laga logolik, yi mene ti mene waluk lagarek andi hak, iren fangeti'lek mondogat sagatfisegen andi o. neisena,” iluk yagatikhe. A'nogo yagatikhe andi nen, o andoma enu Baal-Perasim salhikhe.

2 SAMUEL 8:14

Aren he agoromi at a'ma werek mene sikhe fisogo inap omanogo faget he inawi sili o Edom kwe andoma mondogat halogo fisilik lagaikhe. Nen, it afuni Edom mene andi re mondogat at a'ma nek agaukwa. At Daud en yikwe tikwe weim yabi lagunem Tuhan nen omamet fugunem he mabenet fisikhi lagaikhe.

2 SAMUEL 8:3

Andi nen at Daud en he, raja Hadadezer hun Rehob amlogo o Zoba melalinafi lagaikhe agun, o kota Damsyik horokhogo andoma o kerajaan welagaikhe mene omanogo mabenet fesikhe. Andi sambul he at Hadadezer he wilayah i Efrat elesi fikhit andoma at omame werek mene a'nogo ambotkwe ekhe inom omamerasigin iluk ebekhalem lagunemen omame leget fesukwa.

2 RAJA-RAJA 14:7

Inenggi ekhe sambul he Amazia nen weim o Edom yabi lagaikhesik ap inasikhe fisogo mene inebe 10.000 nen mene o Mayu tonggoma andoma nen inoatikhesik o kota Sela andi inom telhikhe. O kota andi enu re Yokteel salhikhemo re yogondak huli nen inom kota andi enu Yokteel iluk salek werek.

1 TAWARIKH 18:3

Andi nen he at Daud en raja o Zoba mendek welagaikhe agun hun Hadadezer a'nogo o Siria wilayah Hamat oba andoma nen along lek hilingisogo fesikhe. Andi sambul he hun Hadadezer andi re o wilayah I Efrat elesi fikhit omanogo sebeli lagain iluk ebekhalem lagunemen a'nogo hilingitikhe andi.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

2 TAWARIKH 25:11

At Amazia a'nogo nen ailo lek agaikhesik he at agoromi woginarek o tonggo ekhe enu Lembah Asin andoma lagaikhesik he andoma nen it ap Edom inap inom weim yafukwasik iren ap inebe 10.000 nen mene inoatukwa.

MAZMUR 108:11

Ap sa nen an wo'napluk o Edom andoma lagain nogo? Ap sa nen an hondok narek o helep leget omamerogo wagane'ma andi nobagai lagain nogo?

MAZMUR 44:9

Andiba re, niren hundik-handik Hat hai wathafik, fogethafik ikhi logogun,

MAZMUR 59:1

Afuni nen wuni wulak fuluk inebe seberogo ugunem yagaisugu mene faget, wuni unggulenu: Leget fisogoin lek, iluk agarek mene faget felalek wuni At Daud Awuni, Saul en Daud ebe wasigiluk awi wuri'mo kagalek logoino iluk ap miminginafikhemo isikhe awuni.

MAZMUR 59:11

An neisena Allah obabut fano nen endawit napluk he, an nambit weri'lago, nen Aren he it naselei mene omanogo mabenet fisugunem an neilenggen hoageluk hilingnobagali'lago.

MAZMUR 60:10

Oba nen he at Moab enek he An neisok sobalhi lagiba o, it Filistin meneba nen An nalong agagi andiba re foget fakhikhi lagi o. Nen at Edom oba re At ebe An nonggwarek nanggwe enekhogo logouwageluk, An nen neisok sepatu ba fetak warogo hugisagain o,” iluk ikhe.

MAZMUR 74:1

At Asaf en yanggulinafi lagaikhe awuni. Neisena Allah, Haren he mondok mondogat oboget nisegen a? Nenahalok Hat honggwarek hagainafuri mene inoba ha'mage fugu mondok logogin nogo?

MAZMUR 79:5

Neisena Allah, Haren he mondok-mondok faget ha'mage ninoba fegen a, nen ninoba pou fegendik ha'mage lagali'lago mene andi re endu amulok lagaikherek hak lagagunem welagen andi a?

MAZMUR 79:9

Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

MAZMUR 80:1

Afuni nen wuni wulak fuluk inebe seberogo ugunem yanggulinafu mene faget wuni unggulenu Bunga bakung ebene felalek mene higithogo, Ap Asaf en fagetikhe awuni.

MAZMUR 80:3

haselek oba weinam asime o. Nen Hat hebe homame welagen mene a'nogo nit ninoba inuk nisan o, nen Hat hebe wesimbik he nit ninagap telninabime o.

MAZMUR 85:4

Haren hanini it inoba fuluk welagagin mene a'nogo re mondogat oak waganogo wanhiginmo re, Haren hanini ekhe it inoba fikhi lagen mondok lek andi o.

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

MAZMUR 89:3

Haren hendawi hundik hilingnafi lagen mene andi re mondok-mondok logogin mene o, nen, Haren tiphogo nek hilingiti lagen mene andi re pogot higit abolok lek logogin andi nen he an nelu o.

MAZMUR 89:38

Aren ferinarek logogin oba okerajaan andi re tugi lek agi'lek welagarek andi hangge it andi nen ferinarek mondok logogun, Nen at a'nogo were'ma eil kumuti logogin mene re anggulok oba andoma tiphogo hilingitu mene ekhe werego, iluk egen.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

MAZMUR 90:13

Tuhan neisena. Ha'mage het-pet ili'lago mene andi re ki huliba nen legasigin nogo? Ha'mage siok imbik he, hambotkwe nit hamingmingengge mene yi hendawit ninafi logoin o, neisena.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

1 SAMUEL 13:11

Iluk heinok wokhasikhemo at Saul en he, ”Hat wesigin egen oba wagi'lek tagan ikhi lagama, an neilenggen hugunem he, afuni an heraknobagaluk puguluogeluk, it ekhe attak pugulha, nen, ap Filistin mene o Mikhmat andogotaat.

1 SAMUEL 4:17

A'nogo yagatikhemo, ap wene waluk wagaikhe mene a'nogo nen he, mel yagatikhe: ”Ap Israel mene re it Filistin mene nen muginarek wulifi logolik he, nit fikhit mene re ap warek enek kabok ikhemo re, nit mondok maben ago o. Ninebe mondok hokhorogo ninoati logolik, hat hamlogomi inebe pire, Hofni inom, Pinehas inom, aremnogo emberegat inoata o. A'nogo inoati logolik, Peti Wene Warogo Allah nen wo'ninafikhe, iluk hilingik a'nogo selei mene nen helaluk lagaikha aro,” iluk yagatikhe.