MAZMUR 6:8 - Allah Wene Fano Wene Hupla Inane

⁸ Nendawinggen heiselhi logolik neilenggen mondok mum ari'lago, nen it naselei mene omanogo faget he neilenggen mondok mep sagalogo ou eri'lago.

MAZMUR 6:8 ပူးပေါင်းရင်းမြစ်များ

AYUB 17:7

Fong weakhogo warikhi lagimo re neilenggen mondok mum ari'lago, nen nebe mondogat pukhogore mage agarik welagi.

MAZMUR 116:8

Neisena Tuhan nen he, An weak mene anggele'ma were'ma, le aga logouwagaluk hera'nobagagi'lek, warikhi logoguwagaluk oboget niigi'lek, telnaferesik fetnarek mondok werek.

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 139:19

Afuni weak hilingitarek mene andoma, neisena Allah Haren inebe legetfisagain halok he an namolo o. Afuni inamep wulagaisogo inoatarek mene andoma re yatma mondok lakfisano.

MAZMUR 145:18

At he afuni At enu hombuk palharek mene inom, nen inendawinggen sebel fakhaluk kino yagatarek mene inom, inoba horokhogo werek.

MAZMUR 3:4

Oba nen he Tuhan neisena, we Hat enek he an nalong palnafi lagen mene welagen ma re. Haren an nalonget nobagagik, nendawinggen hambuget nobagagik, ikhi lagen.

MAZMUR 31:10

Tuhan neisena, an nebe mondok weakhogo welagimo re hendawi nean o. Nale nek yakhugu-yakhugu re neilenggen mondok ou agunem welagi o, nebe re we nagupsak higit welagi.

MAZMUR 56:8

Neisena Allah, iren weak mene nek hilingiri'lagwi andiba it inebe telinabu hak mene ekhe werek nogo? Hat ha'mageba nek it inebe legetfisan o!

YESAYA 30:19

Yago, hit o Yerusalem welagep mene yoma re, hiren hundik-handik le aga logou fugo. Tuhan he inelagaik isikherek mene hilingi'mo re, hiren lebetninabin iluk yagasugun halok he Aren weak-weagat lebethinabigin werego.

YESAYA 38:3

Samban ikhi logolik he, ”Tuhan neisena, an yi re Hat hobaget ninghogo hilingiti logolik, hoba lomborogo welagik, hane hologo hilingitik, ikhi lagi mene a'nogo hilingi'mo re ebetnean o. An nen he Hat hendawimo anggikhi lagen mene nek hilingiti logogin iluk mondogat hilingiti lagi o,” iluk samban isikhesik Hizkia a'nogo le hokhorogo agaikhe.

YESAYA 38:5

Hizkia ambit laluk wene yi'nogo yagasi lan o iluk yagatikhe, ”An Tuhan Allah, homba Daud en napne wanhi lagaikhe mene a'nogo nen he, haren samban egen mene inom heil amusu pelafen mene inom, neilenggen arat higi o, ma re An nen hat hebe heluk ekhe inom logoinogeluk 15 tahun ekhe to'mot figi o.

RATAPAN 3:56

Haren an lebetnabin iluk kinothafi mene andi faget hat hesanggo to'mosu fugo iluk yagaheti. Andiba re an nen samban igi mene andi hat hesanggo holhendik hat hebe an horokhogo wagendik, Haren ikhi logolik, ’Hoak leigesu fugo,’ iluk yaganeten.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.

LUKAS 13:27

aren he, hit o koma nen wagep. Hinebe an nonggoro. Hit weak hilingiti lagep mene noba kwi wagup. Andemenat pikhit lani o, iluk yagahisagain werego.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.