MAZMUR 6:6 - Allah Wene Fano Wene Hupla Inane

⁶ A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.

MAZMUR 6:6 ပူးပေါင်းရင်းမြစ်များ

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

AYUB 7:3

Tugi ekhe wagarek ekhe wagarek andi re ebe yi'nogo faget neluk welagi iluk anggigi'lek nobakhe palegat welagi. Hup ekhe sambul-ekhe sambul andomaba re nendawimo mondok heiselhu kwelek welagi.

MAZMUR 115:17

Afuni inebe wa'lagunem kweangma salinafunem inareng lek welagaikharek mene andoma nen, nineisena Tuhan fogerasugun mondok elo'lek,

MAZMUR 30:10

An nebe wa'la'luk afuni warek salinafarek oba andoma pi lamo nen he, a'nogo hilinglasigin andiba Hat hobaget ambisangma ninggi'nogo asu hak nogo? Afuni warek mene nen Hat fogethabu haga? Nen Haren tiphogo nek hilingiti logolik welagen mene andi faget fakhogo yagaisa la haga? Mondok lego.

MAZMUR 38:9

An nebe nomame mondogat lek aga logolik he noba liongorogo taik ugunem welagi, nendawinggen ou en he mondok neneik yabati lagi.

MAZMUR 39:12

Afuni re it inaweak hilingitarek onggo Haren unggum inoba figik, kotik, ikhi lagen, eberogo nen he nit afuni andi re heleage futhugunem hangge welago. Nen, Haren mumlel alperel isagarek higit perelisamo nen he, at oba elokhe pugunsek mene ekhe logou hak nogo? Elo'lego.

MAZMUR 42:3

An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?

MAZMUR 69:3

An neisok peikhogo re tonggo fesi mondok lou lakse'ma ma'lima pigiri'mo re, neisok ninghogo fou oba ekhe werek lego. An i mogo mondok agum uan meneba ma'lima pigirik were'ma, i ha'labu waga logolik nebe sebelnafemo welagi o,

MAZMUR 88:11

Afuni warek mene inoba re Haren elalin mene ekhe hilingisu hak nogo? It ineluk a'luk Hat foget hafarek mene ekhe werek nogo?

MAZMUR 88:9

Haren he, an nori nagaila'lak ninom fano mene omanogo ninom eil uanet nobagegendik he, An noba it kwelagisaluk hebaknafe asuageluk hilingnobagegen. An nebe kwe sou yagarogo kwelaknobagegenma logolik he,

YESAYA 38:18

Ap wa'la'luk lagaikharek oba andoma nen Hat hobaget ekhe fogethafarek lek, ap warek mene nen he Haren tiphogo hilinginafi lagen mene a'nogo hilingninobagauwageluk ekhe eberek welagaikharek lek.

YEREMIA 14:17

Tuhan nen he an nendawimo heiselhi lagi mene a'nogo At againafuri inoba yagaisikhi logolik an nen yi'nogo yagaisoageluk ikhe, ”An nunggulenu mene omanogo inebene inoumo agambut asu lek hak mene silibuthugu mondok were'ma, it inoba ou-pou ugunem he, An he palfigi'lek li le agu mondok logogin, lingge hundik hup hundik neil amusu pugu mondok logouwak.

RATAPAN 1:16

Andiba re neilamusu mondogat pialiluk pili'lago, an nebe kon nobagagik, nendawimo nagaiyekhogo hilingnobagagik u mene ekhe werek lek. It naselei mene nen mondogat sebel fakhagama re, an nunggulenu mene inangge mondogat lek aga.

RATAPAN 1:2

Hup inukhogore oba sinurogo le agu mondok werek, eil amusu elokhenggen kwe piali waga. It ap at inom inendawi hundik welagaikharek mene nen iluk ekhe at endawinggen sebelogo koni'lagwi lek. At agaila'lak mene nen weagarogo fuluk he hebekhogo at aselei mene ari'lagwi.

RATAPAN 2:11

An le palfigi'lek le agu mondok were'ma nen enek he neil mondogat fite, nendawinggen selekwe potunem nagupsak enek agama welagi. It inunggulenu mene omanogo wolelenggenhogo pelakfisilik lagunem he, yenggerugwi magendek mene inom, omalik fou mene inom he o kota ebekhe kwe omanogo inafekwe mo'luk ineil furuk fugunem nendawinggen mondogat warikhi lagi.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.