MAZMUR 6:4 - Allah Wene Fano Wene Hupla Inane

⁴ Nendawinggen mondok nonghong ugu nen he, Tuhan neisena ki huli nen an oboget nealuk logogin nogo?

MAZMUR 6:4 ပူးပေါင်းရင်းမြစ်များ

MAZMUR 116:4

A'nogo logolik, ”Neisena Tuhan an nebe telnabime o,” iluk enu hombuk palhi logolik, ayonggo fugu welagi.

MAZMUR 116:8

Neisena Tuhan nen he, An weak mene anggele'ma were'ma, le aga logouwagaluk hera'nobagagi'lek, warikhi logoguwagaluk oboget niigi'lek, telnaferesik fetnarek mondok werek.

MAZMUR 120:2

Tuhan neisena, it afuni ineranen wene igik, inane nen weregaphogo igik, agarek mene andoma inoba nen telnabin o.

MAZMUR 121:7

Hat hebe weaget habinogoluk, At Tuhan awe a'ma hobagaluk were'ma, heluk fano logoinogoluk setharek mondok logogin.

MAZMUR 13:2

Tuhan neisena, Haren ki huliba an noba honggoret nobagaluk logogin nogo? Ki huliba Hat hebe an were'ma nen helokhe hinakfakhaluk logogin nogo?

MAZMUR 17:13

Neisena Tuhan, Hat hebe feisakhogo menla'luk he, an naselei mene oma hinom wal-wal iluk it inomame legetfisikhi logoino o. It afuni weak hilingitarek mene andi nen an noasuogeluk wagunem andi, Hat henggarok oba an nagap telogo nobagakhi logoino.

MAZMUR 22:20

A'nogo meneat he, Tuhan neisena, an nebe heraknobagaluk Hat hebe yatma lagun o. An nomame re haren enek wo'neti lagen andi nen he, weak-weak we'luk lebetnabi me o.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 69:13

Afuni andogori'lagwi kwe omanogo nen he, an nabok palhu mondok werego. It afuni anggur amusu naluk he, an hilingitirek mene andi faget, kelem wuniba yaganetu werego.

MAZMUR 74:10

Neisena Allah, it Hat haselei mene nen ki huli li'not hafu logogun nogo? Hat henu weagerogo fugu mondok werek andi re, a'nogo nek hilingitu logogun nogo a?

MAZMUR 79:5

Neisena Allah, Haren he mondok-mondok faget ha'mage ninoba fegen a, nen ninoba pou fegendik ha'mage lagali'lago mene andi re endu amulok lagaikherek hak lagagunem welagen andi a?

MAZMUR 80:14

Anggur ero fano were'ma, wam maro nen feisalhik paik en enggen mondok ninggik u hak he, iren weaget ninabuageluk, nenahalok hera'ninobagegen?

MAZMUR 86:13

Haren he hendawi hundik mondok hokho meneba hilingnafu welagenma a'luk he, an neluk a'nogo wa'lagu mene ambelema nen ogalnobagegen.

MAZMUR 90:13

Tuhan neisena. Ha'mage het-pet ili'lago mene andi re ki huliba nen legasigin nogo? Ha'mage siok imbik he, hambotkwe nit hamingmingengge mene yi hendawit ninafi logoin o, neisena.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

DANIEL 9:18

Allah neisena, hesanggo langet fembik he, ninane hesanggo holhik, heilenggen fenggen lasimbik he, ninebe inom, ninawi kota Yerusalem, Allah were'ma iluk enu agarek awiba a'nogo inom, mondok weaget ninafukwama weak welago yi kwelaknisigik, in o, neisena. Nit ninobabut fano hilingiti lago, iluk Hat hayonggo fikhi lago fuk. We, Haren nit ninobaget hendawit ninabinogen iluk, hayonggo fikhi lago o, neisena.

MALEAKHI 3:7

Hit inombawi nen attak hilingiti lagaukwa hak, hit mondogaren ogore, An nawene melalek a'nogoba nen taganet fuluk tiphogo hilingiti'legengge hilingiti lagep andi. Hit he sugulogo an nambit we'ni o, wesugun halok An ogo, hit hinambit sugulogo wesigin. Oba nen he, hiren heinok wo'niikhi logolik, ’Nit sugulogo At ambit louwogeluk he, niren ninggi'nogo hilingisugun nogo?’ ikhi lagepma re,

EFESUS 1:6

At obabut fano nen amlogo endawinggen tulem mene endawi agi'legat wo'nisasikhe andi faget, niren he, ”Egi. Nailo e,” iluk, fogerati logouwogo.