MAZMUR 6:2 - Allah Wene Fano Wene Hupla Inane

² Tuhan neisena, Haren he ha'mageba yei noatik, nen helokhe ageba wene noba figik u fugo.

MAZMUR 6:2 ပူးပေါင်းရင်းမြစ်များ

KEJADIAN 20:17

Wene hun Abraham agwe Sara faget hilinglagaikhe a'nogo oba re, Tuhan nen it hemi hun Abimelekh awi istana ba welagaukwa mene omanogo mondogat abili mene hilingfisasikhe mene andi faget, Abraham en Allah ayonggo fesikhemo, Allah nen Abimelekh ebe fanot figik, agwe inom, it hemi amingmingengge omanogo inom fanot fisasikhemo, inomalik taginabik lagaukwa.

AYUB 19:21

Nagaila'lak. Allah nen noatemo welagi andi nen he, hinendawit nabini o.

MAZMUR 22:14

Mene singa nen yi mene ti mene ebe halmakhigik nagaluk, ane kouwarik wagarek hak, iren an noasuogeluk inambe anghogo weri'lagwi.

MAZMUR 30:2

Tuhan neisena, it afuni an naselei mene nen puliarogo pelaknabuageluk heraknobagagi'lek, Haren an nagap telogo nobagegenma re, an nen Hat fogethafi lagi o, neisena.

MAZMUR 31:10

Tuhan neisena, an nebe mondok weakhogo welagimo re hendawi nean o. Nale nek yakhugu-yakhugu re neilenggen mondok ou agunem welagi o, nebe re we nagupsak higit welagi.

MAZMUR 32:3

Attak an weak hilingiti lagagi mene fakhogo figi'lek sebelek were'ma, nenggi inukhogo nendawimo weak mondok logolik he, nomame lek welagagi,

MAZMUR 38:2

Tuhan neisena, an he Hat homameba unggum wo'nesu fugo, nen ha'mageba an nebe noasu fugaro.

MAZMUR 38:3

Hat handok pisinghogo re an nebeba kwi waga, Hat henggi omameba perelniikhi lagen mene andi re mondok enggin se'ma hikhi lagi o.

MAZMUR 38:7

Linggene inukhogo nendawimo warugu mondok logolik he nelokhe heiselogo kunggukhogo pelabek logolik welagi.

MAZMUR 51:8

Hat hendawimo re afuni inendawinggenma nen higithogo nek hilingiti logoilebe, iluk anggikhi lagenma re, Hat hendawinggen wenggelogo hilingiti lagen mene a'nogoba an nendawimo peterogo nobagakhi logoin o.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.

YEREMIA 10:24

Eberogo nen nit ninebe mondogat he legasugun mene welago hilingi'mo re, Hat ha'mage lagagu halok he yei henggi omameba ninoba ou asu hak mene inom, athe unggum weakhogo inom wo'nisa fugo, Oba nen he Tuhan nineisena, ninelu asuageluk ninoasigin andi re fano o.

YEREMIA 17:14

Tuhan neisena, Hat he an nen legeisogo hobagakhi lagi mene welagen ma re Haren an nebe higitnabigin halok he, an noba fano asigin o. Nen, Haren nagap telnabigin halok he an nagap telegat logogin.

HOSEA 6:1

It afuni Israel mene nen inane ikhi logolik, ”Nit hobuk nineisena Tuhan oba ninambotkwe sugulogo louwogen we'ni o. Nit ninoba enggin-fenggin hikhi lago andi re Aren hilingninobagali'lago o, oba nen Arenat nit ninoba fanotninobagagin werego. Nen Aren ninoari'lago, oba nen Arenat nit ninoba ou werek andi fano hilingninobagagin werego.

BILANGAN 12:13

A'nogo yagatikhemo Musa nen Tuhan oba yagati logolik, ”Neisena Allah at ebe Haren fano hilingisino,” iluk yagatikhe.

MATIUS 4:24

A'nogo higirinabik nugunem, abok o Siria andoma mondok sak isikhemo re, yi ou ti ou, yi hat ti hat inoba werek mene inom, munggwarengge obabut weak mene inendawimo kwisukwasik inebe lugulugwi palharek mene inom, wa'lagik ineluk agik agarek mene inom, inenggi ineisok wut warek mene inom, oba woginarek wagunem fano higirinafi lagaikhe.

ULANGAN 32:39

Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.