MAZMUR 59:9 - Allah Wene Fano Wene Hupla Inane

⁹ Andiba re Tuhan neisena, Haren he it faget endo yaginafi lagen, it inunggulenu lombok andoma re Haren puliat fisikhi lagen.

MAZMUR 59:9 ပူးပေါင်းရင်းမြစ်များ

MAZMUR 2:4

A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

MAZMUR 20:1

Afuni nen wuni wulak fuluk inebe seberogo ugu kwelek melalinafu mene faget, Daud awuni a'nogo.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

MAZMUR 59:17

Oba nen an enek he, Hat homame welagen mene a'nogo hobaget hawuni watu welagirek. O wei ugunem hubet he Haren hendawi hundik hilingnafi lagen mene a'nogo faget inom, nen tiphogo nek hilingnafi lagen mene a'nogo faget inom, an nen nane fanoba hundik-hundik hawuni watu mondok welagi o. Hat he an noba enggin-fenggin agu sambul hawea'ma nobagaluk fetnarek welagen mene hilingi'mo re, An nebe o kuluk la hak he Hat hoba nek waga lagi o.

MAZMUR 62:11

Hit hinenggi omameba afuni sebelinarek logolik inangge helikhi lagep mene andomaba hinendawinggen eberek lagou fuk, nen afuni inangge telikhi lagep mene andomaba hinendawinggen tibet fuluk logou fugat. Nen, hit hinangge yi mene ti mene hinenggi werek agunem oba nen ogore, hit hinendawinggen andiba tibet fuluk logou fugaro.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 9:9

Aren he it afuni inunggulenu lombok omanogo katokhogo nek melalinaferek, nen it inebere inawene ayo palogo pilingfuluk mondok higithogo nek tegeterek.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

YESAYA 58:14

Hiren a'nogo hilingiti logogun andiba An nobaget hilingitunem he hinagaiyek hikhi logogun. A'nogo hilingitunem An nen hit inoba yi afuni ti afuni mondogaren agaugwet hinafi logouwageluk hilinghinobagakhi logogin. Hit he hinomba Yakub en kweang hinobagasikheba omanogo nen enggen ugu faget hinagaiyek hikhi logolik logogun. Iluk An hineisena Tuhan nen nane mondogat igi o,” isikhe.

HABAKUK 3:19

Tuhan Allah neisena, Harenat nomame wo'neti lagen. Wam rusa eisok wurikhogo fuluk lagarek andi hak, an neisok wurigetnafik, an nebe tomkwe lagunem fanorogo loageluk Harenat wo'narek lagik, ikhi lagen o, neisena,” iluk samban isikhe.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.