MAZMUR 59:3 - Allah Wene Fano Wene Hupla Inane

³ It afuni weak hilingitarek mene andomaba nen an fikhalogo wulak nobagain o, it ap ware andoma inenggimo nen telogo wulak nobagaime o.

MAZMUR 59:3 ပူးပေါင်းရင်းမြစ်များ

MAZMUR 140:2

Tuhan neisena, ap inanini mene andomaba nen an seleget nobagain o, an nebe it afuni inobabut haferogo hilingitarek mene andoma inoba nen halogo fetnarek logoin o.

MAZMUR 2:2

It afuni kweangma mene inogogwi raja-raja omanogo inom, kaindek-kaindek inomame hokho mene omanogo inomen, nit nineisena Tuhan inom ap Raja Aren wenagaisogo fikhe mene a'nogo inom, emberek inoasuogoluk weim abok inebe mondogen inane misik seberogo mata andi.

MAZMUR 38:12

It an narugwi mene inom, nori nagaila'lak namep mene inomen he, an noba ou welagi mene kwelaknealuk he agaiset nabi'lagwi. It nogogwi nagoromi meneba nen ogore an nagaiserogo lili'lagwiat.

MAZMUR 56:6

Linggene hunduk-hundik he it naselei mene omanogo nen an nawene a'nogo nonghonget fogoin iluk hilingitik, nen an nebe weaget nobagagun iluk hilingitik, ili'lagwi o.

MAZMUR 69:4

An nane hokhorogo yagahetu werek kwelek nomame mondok lek a'luk nalonggobele puk agunem welagi, neisena Allah nen telnabi wesigin iluk yetharek were'ma-were'ma re, neilenggen mondogat ou agunem welagi.

AMSAL 12:6

Ap weak hilingitarek mene inane ugunem he mondok sebelogo nek fagarek, nen, ap higithogo hilingiri'lagwi mene inane ugunem he inagap telagarek.

AMSAL 24:15

Ap weak mene nen ap higithogo hilingiterek mene inangge teligik nen inailokwe hinasi kuogeluk inane misik matarek mene andi hinom kam wasu fuk.

MIKHA 7:2

Afuni inobabut higithogo nek hilingitarek mene re o kweangma yoma nen lek agaikha. Nen, ap Allahba tiphogo hilingitarek mene re ekhe were'ma isikhi lagi lek. Afuni inebe lombogen he it ekhe mene inoasugun iluk nenangorinafu mondok werek. A'nogo hilingiti logolik it inebe seberogo re inagaila'lak ekhe ke'nok uageluk yebet fisili'lagwi.

YOHANES 15:25

A'nogo meneat he, Allah nen yi'nogo hilingi'no, ti'nogo hilingi'no, iluk komorinafikhe wene andiba, ane yi'nogo lisu palek werek: wene ero le'maat, iren an inabiret nobagasukwa, iluk isikhemo, lisu palogo fesukwa mene andi ebe asuageluk a'nogo hilingiri'lagwi o.

KISAH PARA RASUL 23:21

Mene re, haren wene it aga andi, hologo hilingitun. Ap inebe 40 nen, ekhe inomat, logoligen Paulus ebe wasuogeluk weim abok agasik elokhoma salek logogun aga o. Iren he, Paulus ebe wati'lek logolik, sumburu inom, i inom, ninggi'lek logombik, arat wato halogen nogoin o, iluk hombuk palhasik werek. A'nogo logolik, yogondak iren he, wene aren onggo ninggi'nogo yaganisagain, iluk yetharek werego,” iluk yagatikhe.

1 SAMUEL 19:1

At Saul en he, ”An Daud wasigiluk ikhi lagi,” iluk weim abok amlogo Yonatan inom, agoromi mondogat inom yagaisasikhe. A'nogo meneat he, Yonatan nen at Daud ebe endawinggen hundik mondok welagaikhe,

1 SAMUEL 24:11

Yogondak he oumo andi nen hat honggwaregen enegat hegen andi. Tuhan nen he noe hat hebe an hamingmingengge nenggiba arat wo'nete o. Nen an hamingmingengge nagoromi ekhe nen he, Wasin, iluk nendawimo kagalha mene re, Wasugun lego, iluk mel yagaisigi: An nen he noe raja Tuhan nenat wenagaisogo menfikhemo re, an nen at ebe wasigin mondok lego, iluk yagaisigi andi.

1 SAMUEL 24:17

At Daud en wene a'nogo arat yagatikhesik ane palfesikhemo, at Saul en Daud mel yagatikhe: ”Hat andi namlogo Daud hane a?” iluk yagatikhesik he, le agaikhe.

1 SAMUEL 26:18

A'nogo isikhesik ane ekhe inom ikhi logolik, ”Neisena, haren nenahalok an hamingmingengge si'narek-mu'narek nikhi lagen? An hamingmingengge nen weak ninggi'nogo mene hilingitimo?