MAZMUR 59:10 - Allah Wene Fano Wene Hupla Inane

¹⁰ An nebe nomame re we Hat hamu welagenma re, an he Hat hoba nek eberek mondok welagi, Neisena Allah Hat he an naleget waganek welagen.

MAZMUR 59:10 ပူးပေါင်းရင်းမြစ်များ

2 SAMUEL 1:17

A'nogo hilingitukwasik, at Daud en, Saul inom Yonatan inom emberek inobaget le aga logolik le wuni isikhe.

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 21:3

Haren enek at endawimo anggili'lago mene omanogo higithogo hilingfigik, nen we nena mene kino ugu mene omanogo wogetik, ikhi lagen.

MAZMUR 46:8

At Tuhan Omame Hokho mene a'nogo nen fetninarek mondok welagarek. Yakub eisena Allah a'nogo nen, nit ninebe at awe a'ma ninobagaluk fetninarek welagarek.

MAZMUR 5:8

Oba nen he Hat hendawi hundik mondok hokho mene hilingnafi lagen andiba re an Hat hawi wuri'mo elok kwi waga lagi. Hat Hawi Mondok Horek mene a'nogo fikhit neilenggen lourek logolik he neindep awi yagaisogo fogethafi lagi. Nen an nen nendawinggen mondok sebe uluk hapne wanhi lagi.

MAZMUR 54:5

It ap pok mene andoma nen an noasuogeluk hilingiri'lagwi, nen afuni foget fakhagarek mene andoma nen an neiloak leget nobagauwogeluk hilingiri'lagwiat, nen iren he Allah hoba ebetarek werek mondok lek,

MAZMUR 54:7

At he an noba tiphogo nek hilingnaferek andi nen he, Arenat it an naselei mene andoma inonggwarek inaweak oba wene inoba fuluk inebe mondok leget fisagain o.

MAZMUR 56:2

Neisena Allah, an it naselei mene omanogo nen hundik-hundik sebel nabi wagik, nen noasuogeluk hilingisi wagik, ili'lagwi andi nen he hendawit nabin o, neisena.

MAZMUR 56:6

Linggene hunduk-hundik he it naselei mene omanogo nen an nawene a'nogo nonghonget fogoin iluk hilingitik, nen an nebe weaget nobagagun iluk hilingitik, ili'lagwi o.

MAZMUR 59:17

Oba nen an enek he, Hat homame welagen mene a'nogo hobaget hawuni watu welagirek. O wei ugunem hubet he Haren hendawi hundik hilingnafi lagen mene a'nogo faget inom, nen tiphogo nek hilingnafi lagen mene a'nogo faget inom, an nen nane fanoba hundik-hundik hawuni watu mondok welagi o. Hat he an noba enggin-fenggin agu sambul hawea'ma nobagaluk fetnarek welagen mene hilingi'mo re, An nebe o kuluk la hak he Hat hoba nek waga lagi o.

MAZMUR 79:8

It ninombawi nen weak hilingiti lagaukwa mene andiba nit wene ninoba fugun o. Nit he ninendawinggen mondogat nonghong ugunem welago hilingi'mo re, Haren weak-weak hendawit ninabin o.

MAZMUR 91:8

A'nogo hilinglagunem hera'lu heilenggen kwelagisagain he, Allah nen afuni weak hilingitarek mene inobabut oba onggo weagerinafunem heilenggen hagain o.

MAZMUR 92:11

Haren he an nebe no banteng eil polok mene omame welagarek hakhogo hilingnobagasigin, nen an nebeba nagaiyek mene nek fanotnobagagik isigin.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

YEREMIA 17:16

Oba nen he Tuhan neisena, an nen Hat hoba afuni andoma weak-weak alomat fisanogen iluk nane ninghogo yagaheti mene ekhe werek legat anggigi. It inoba enggin hokho mene asi weri'lago mene andoma faget an mondogat nabit welagi. Neisena Hat he helurego, an nane ikhi lagi mene andem faget Tuhan Hat he mondok helu welagen.

2 KORINTUS 1:3

Ninoe Enupogot Yesus Kristus eisena Allah andiat fogerati logouwogo. At nineisena Allah obabut fano nen afuni yi mene ti mene faget inendawimo weak were'ma, endawirinapluk inendawimo fanorinaferego.

1 TESALONIKA 4:15

Wene ninoe Enupogoren isikhe mene yi yagahisak. At ebe wagunem, it wa'lari'lagwi mene herakfisaluk nit nineluk welago mene tak at oba lagagun lego.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 SAMUEL 26:10

Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.