MAZMUR 58:9 - Allah Wene Fano Wene Hupla Inane

⁹ It andi re no sogobenggen obalik lagarekwe amunggulal andi hak hilinglasuak, nen omalik ket taginafu mene o selek ineilenggen higi'lek wagaikharek a'nogo higit asuak.

MAZMUR 58:9 ပူးပေါင်းရင်းမြစ်များ

AYUB 18:18

O selek oba omanogo nen at a'nogo silogo o mum oba wulak fisagain, ap ineluk logogun oba omanogo nen at a'nogo hambokhogo hugisagainat.

AYUB 27:21

Sielu mo ero fikhit en funha waga logolik he at ebe ailoba were'ma omanogo nen funhogo waluk lagarek.

AYUB 3:16

An nebe nendawinggen legengge ta'nabile'ma, o selek neilenggen higi'lek logou mene ta'lagagi andi nahalok he.

MAZMUR 10:2

It afuni weak hilingitarek mene nen he wonoget fakhikhi logolik afuni inenggi lek mene omanogo enggin-fenggin inoba fikhi logolik sebelisugu werek omari! We it andi inonggwaregen hele webet fakhili'lagwi hilingi'mo re it inebe elema ke'nok ikhi logouwak.

MAZMUR 10:5

It afuni weak hilingiri'lagwi mene andi re iren hilingiri'lagwi mene omanogo mondogat ambisangma fano nek agarek, oba nen he, iren At Tuhan ebe inom Awene melalek inom inonggot logolik fut figi'lek welagik, it inagaila'lak inaselei mene omanogo seramet fisigik, agarek.

MAZMUR 118:12

An nabel fena-fena kin isa hangge heim nea kwi wagunem he, neisena Tuhan omameba mabenet fisigirek. Engga endu nen lei ninggerek andi hak, it inebe misigamat felelenghogo leget fisigirek.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

AMSAL 1:27

Yogo, ou ero inailo mene waluk wagarek andi hak, hit hinendawinggen hinailo hoporek mene hilinghinobagagik, weak mene ekhe hinoba agik ikhe halok he, endo yakhinabigin o.

AMSAL 10:25

Sogoi sielu funha wagunem he ap ina'mage weak mene omanogo legetfisikherek, oba nen ap higithogo hilingitarek menere hambukhogo mondok-mondok logogun.

AMSAL 14:32

Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.

PENGKHOTBAH 7:6

Engga alok alogengge endu nen lei nilik lei ane selelem-selelem ninggerek hak, ap kembu mene nen endo agaikharek andi re we alomarogo hangge.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YESAYA 40:24

It andi re, awingge ket yakfugu mene omanggen ket pelaferek andi hangge hilingik, Tuhan nen sogoi lakfei wesumo nen he, it inebe iring la'luk engga puk mene higit furogo la hago.

YEREMIA 23:19

Tuhan anini andi re sogoi sielu nen abologet hikhi logolik weaget fikherek andi hakhogo afuni inobaharo weak mene andi re a'nogoat hilinginabigin.

BILANGAN 16:30

Oba nen he, Tuhan nen hit o endamen engge ekhe holhigip lek mene, nen kweang healhaluk it inebe inom inangge inomat inelugengge kweang elema afuni wa'la'luk lagaikharek oba pugunem isambik halok he, andi it afuni yi nen Tuhan ane sagalhama iluk hinelu asugun,” iluk yagaisasikhe.