MAZMUR 58:4 - Allah Wene Fano Wene Hupla Inane

⁴ Ap weak hilingitarek mene andi re it inebe inagaisawi inalabutmo ta'lagaukwa huli nen inebe mondogat nonghong agarek, nen it he inebe ta'lagaikha huli nen he ineranen wene nek agarek.

MAZMUR 58:4 ပူးပေါင်းရင်းမြစ်များ

KEJADIAN 3:2

A'nogo wokhasikhemo, at he a'nogo nen he, ”Yabumo e enggen awi yagokwe yoma ero lombok enggen nit higit ninggi logogun enego.

KEJADIAN 8:21

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.

AYUB 20:14

Oba nen he aren ningge mene a'nogo at alabutmo nen agamhogo re, arik mondok weak mene ap watunem wa'lagaikharek mene hilinglaga.

AYUB 20:16

It ap kwanirogo nek hilingiri'lagwi mene nen arik mene nunggu halok he, at ebeba engginap kwelakfakhugunem he, at ebe kisu aik anini mene nen senggelinafunem hangge aren hilingisigin engge a'nogoba nen wa'lasigin.

MAZMUR 140:3

It inendawimo nen he, wene weak mene kagali'lagwi, linggene hundik-handik andomaba re, iren yei wene nek liafu werek.

MAZMUR 51:7

Eberogo nenat he an nagaisa alabutmo nenat weak ero noba agaikhemo re, nobabut weagat ta'nafikhe o.

PENGKHOTBAH 10:11

Kisu haraneba oan eil warek le'ma, attak-attak senggelinafe halok, ap kisu haraneba eil watu mene andi re we alomarogo logou hak.

YESAYA 11:8

Omalik fou mene re kisu aik palinaferek mene inom yele pugagik, awi wuri'mo inenggi kwelafik ikhi logogun oba nen he aigen palinafi logogin lek.

YEREMIA 8:17

A'nogo ikhi lagaukwama Tuhan nen ikhi logolik, ”Fut feni o! Yogondak he An nen kisu hit hinanggelekwe lakfei wesigin, kisu andoma nen aik palinafunem he haroba higirinabure mondok elo'lego,” iluk isikhe.

MATIUS 23:33

Hit kisu nen tagongge mene hinebe kisuat welagep yoma ri! Afuni Allah nen wene inoba fembik endu ai'mo hokhorogo lakfisugunem hit heise wulibugun nogo? Elo'lego.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

ROMA 3:13

Afuni inebe warek fisagarek oba nen, amben wuliferek hak, it inane amben weak mene wulafik, inameli handogalse'ma re, afuni lalinafik, kisu aigen libilinafunem wa'lagaikharek hak, it inambeba weagerinafik, ili'lagwi andi.

ULANGAN 32:33

It inagai anggur amusu re, kisu afuni inoaterek mene, andi emberek mondok higit.

YAKOBUS 3:8

A'nogo meneat he, ninamelinggen andi re, sa nen eil wasu hak anggegep? Mondok elo'lego. Ninamelinggen andi komorek legaro. Kisu aigen afuni libilinafunem wa'lagaikharek hak, ninamelinggen andiba weak mene peterogo logolik, inebe inoaterek andi.