MAZMUR 57:10 - Allah Wene Fano Wene Hupla Inane

¹⁰ Tuhan neisena, an he it afuni inunggulenu mene inanggele'ma andoma nen, Hat hai wat hafu welagik, nen it afuni hokhorogo inanggele'ma andoma nen Hat hobaget wuni fogethafu awuni watik, ikhi logogin namolo o.

MAZMUR 57:10 ပူးပေါင်းရင်းမြစ်များ

MAZMUR 103:11

Oba nen he kweangma nen, pogot halianggen oba liakhugunem mondok uan andi higit, it afuni Allah oba inailorogo welagaikharek mene andi re, mondok hokhorogo endawirinaferek.

MAZMUR 108:4

Tuhan neisena, an he it afuni inunggulenu ekhe mene ekhe mene inanggele'ma andoma nen, hai wathafi logogin. It afuni inanggele'ma andoma nen, an nen wuni Hat fogethafu awuni ikhi logoile namolo welagi.

MAZMUR 18:50

Andiba re it afuni inunggulenu lombok welagaikharekwe andoma Hat henu nek sagarik laga logogun, nen Hat hobaget wuni fogethafu awuni nek wulakfuluk fogethafi logogun.

MAZMUR 36:5

At ebe nogoikherek oba omanogo nen he weak hilingitu mene faget wenggelherek, At obabut he fano hilingiterek mene ekhe werek lek, nen weak mene re nabit iluk herak fisikherek legat.

MAZMUR 59:17

Oba nen an enek he, Hat homame welagen mene a'nogo hobaget hawuni watu welagirek. O wei ugunem hubet he Haren hendawi hundik hilingnafi lagen mene a'nogo faget inom, nen tiphogo nek hilingnafi lagen mene a'nogo faget inom, an nen nane fanoba hundik-hundik hawuni watu mondok welagi o. Hat he an noba enggin-fenggin agu sambul hawea'ma nobagaluk fetnarek welagen mene hilingi'mo re, An nebe o kuluk la hak he Hat hoba nek waga lagi o.

MAZMUR 71:19

Neisena Allah, Haren katokhogo hilingiti lagen mene andi re pogot eil uan andi hak hilingik, nen Haren hilingiti lagen mene andoma re mondok hokho pokhorogo hilingi'mo re, ap sa hagen Hat hebe hilingik welagen mene faget mondogat futhobagau hak nogo? Mondok elo'lego.