MAZMUR 56:1 - Allah Wene Fano Wene Hupla Inane

¹ Afuni nen wuni wulak fuluk inebe seberogo ugunem yagaisugu mene faget. Wuni sue merpati o yatkwe e bene afe mogol arue iluk ikhi lagaukwa mene andi faget apne waganogo felalhukwa mene. Daud ebe it afuni Filistin mene nen o Gat omanogo nen fakfesukwama, at Daud en isikhe awuni.

MAZMUR 56:1 ပူးပေါင်းရင်းမြစ်များ

MAZMUR 106:17

A'nogo hilingitukwama kweang heirogo pagerik lagaikhesikhe Datan pilhigik, nen Abiram againafuri inom salinafik isikhe.

MAZMUR 124:3

it ina'mage so'le hangge hetperilepsik, ninoasuogoluk waga logolik, ninebe mondok felelenghogo ninoa'lep.

MAZMUR 136:10

Aren he o Mesir mene inagainafuri manggusa tago inebe pinggi inoatikhe. Endawi hundik hilingninaferek mene andi re mondok-mondok logogin mene.

MAZMUR 136:15

Oba nen he raja Mesir mene agoromi tentara inom he i agumo pelaginafikhe. Endawi hundik hilingninafarek mene andi re mondok-mondok logogin mene.

MAZMUR 143:12

Hat hendawi hundigen hilingnafi lagen mene andiba it naselei mene andoma mondok warogo lakfisan o, an he Hat hamingmingengge hilingik welagimo re it an sebelogo nobagali'lagwi mene andoma mondok legetfisano.

MAZMUR 16:1

Allah neisena, an he Hat hawea'ma kuluk welagimo re, kagalnarek logoin o, neisena.

MAZMUR 21:9

Aren he afuni mondogat at inom inaseleirogo werek mene omanogo hele warogo fisigik, it afuni Tuhan oba inabit anggagarek mene halok senfisigik, ikherek

MAZMUR 27:2

It inobabut weak mene nen an noasuogoluk noba wesugun mene re, inonggwarek ineisok yetferengge inebe warogoin o.

MAZMUR 31:9

It afuni naselei mene nen hele warogo wo'narek loageluk oboget niikhi lagen lek, athe an wene yi wene ti wene noba lek engge selekhogo laga logouwageluk hilingnobagakhi lagen.

MAZMUR 35:25

It inendawimo nen anggikhi logolik, ”At ebe a'nogo niren leget fogo andi re iaple. Nit ninendawimo wenggelhi lago mene a'nogo mondogat tip ikhe andi!” iluk anggoageluk herak fisagun o.

MAZMUR 58:1

Afuni nen wuni wulak fuluk inebe seberogo ugunem yagaisugu mene faget, wuni unggulenu Leget fisa fuk, iluk agarek mene andi bene felalek mene. Daud Awuni.

MAZMUR 59:1

Afuni nen wuni wulak fuluk inebe seberogo ugunem yagaisugu mene faget, wuni unggulenu: Leget fisogoin lek, iluk agarek mene faget felalek wuni At Daud Awuni, Saul en Daud ebe wasigiluk awi wuri'mo kagalek logoino iluk ap miminginafikhemo isikhe awuni.

MAZMUR 59:10

An nebe nomame re we Hat hamu welagenma re, an he Hat hoba nek eberek mondok welagi, Neisena Allah Hat he an naleget waganek welagen.

MAZMUR 60:1

Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

AMSAL 1:12

Yogondak it ineluk logolik fano inagaiyekhogo werek meneat he, hobuk it inebe mondok wa'lasu hak keik wanggo logouwageluk weagerinabuogo.

RATAPAN 2:16

It haselei mene mondogaren he hat helokhe kwelakhealuk inabit habi'lagwi, iren he hat puliaphogo endo yakhabi'lagwi. Iren ikhi logolik, ”O Kota a'nogo re niren mondogat molulukhogo pelafo! A'nogo hilingisogo fogoin iluk nenangot hikhi logolik welago mene a'nogo ninenggi yogondak higit asi waga yi o!” ili'lagwi.

RATAPAN 2:2

O Yehuda kweang oba engga lei werek mene omanogo re, Aren endawi higi'lek mondogat wolelenggenhogo lakfisikhe. At a'mageba re o kota andiba leget hukhogo ning-maniberogo waganek mene omanogo langgukhogo lakfisugunem he halik-halokhogo hilinglaga laga. O kerajaan andi inom nen ap kaindek o andoma ferinarek welagaikharek mene inom he, Aren sebelfisikhemo re mondogat sebelek mene agaikha.

RATAPAN 2:5

Tuhan he nit ninaselei mene higit agasik, Aren Israel yei warogo al perelogo fikhe. Aren he leget omamerogo hukhogo waganek mene inom, ap raja ebe were'ma o sili omanogo inom mondogat wolelenggenhogo lakfisikhe. Nen, afuni Yehuda mene inoba re fong ekhe inom hokhorogo watu logouwageluk hilingfisikhe.

HOSEA 8:8

Iwak kweang mene halogeterek hak, Israel mene re mondok weak agaikha, nen it inebe re inunggulenu amu mene hilingik hakhogo hilinglagaikha. Ma re Israel en yi'nogo ti'nogo ekhe hilingisugun mondok lek.

1 KORINTUS 15:54

Ninebe fili agorek mene yi, fili asigin lek mene labetik, nen, wa'lagorek mene yi, wa'lasugun lek mene labetik, ugun. A'nogo labesugun andiba, wene mel iluk lisu palogo fesukwa mene andi ebe asigin: ”Yi mene ti mene haumhogo nenggarek hak, At Allah omame asimbik he, wa'lagaikharek ero andi, legetfisagain o.”

1 SAMUEL 29:4

A'nogo yagaisasikheba nen he, it Filistin mene sikhe fisogo mene inogogwi panglima omanogo nen Akhis oba inoba harorogo wenageti logolik, ”Ap andi re haren o kota wogeten oba omanogo loakhogo yagaom o. Athe nit weim yafunem andoma ninanggele'ma nen nit lalninabinogore nit ninom seberogo weim yabi lagain lego. A'nogo yafi logolik andi re aren iaple agama iluk oe raja endawi waganogo iluk aren nit ninagoromi ekhe inoasinogo o.